Albistea entzun

KRITIKA. Zinema

Linboan geratutako errefuxiatuak

Amaia Garcia -

2020ko irailak 20

'Limbo'

Zuzendaria: Ben Sharrock. Herrialdea: Eskozia. Iraupena: 103 minutu

Ez dugu urrutira begiratu beharrik, hainbat gerratatik ihes egindako errefuxiatuen istorioak entzuteko. Azken aste hauetan, Greziako uharte batean, milaka errefuxiatu daude teilaturik gabe, eta, albiste horiek entzun ostean, ez gara konturatzen zer-nolako ezinegona bizi dezaketen bertan dauden pertsonek. Ben Sharrock zuzendariak beste uharte batera eraman gaitu; kasu honetan, Eskoziako uharte galdu batera. Sakelakoentzako seinale gutxirekin bizi dira bertan dauden errefuxiatu bakanak, eta telefono kabina bat da euren familiekin hitz egiteko bide bakarra.

Uharte horretara iristea ez da erraza, eta oso ondo dakite hori filmeko protagonistek. Ghana, Senegal, Afganistan eta Siriatik datoz film luzeak aurkezten dizkigun lau ezagunak. Laurak etxe berean bizi dira, eta beren ametsak uharteko hotzarekin izoztu dira. Asilo eskaeraren onarpenaren zain daude uharte horretan bizi diren errefuxiatuak, eta bertako biztanleen arrazakeria jasan behar dute ia egunero.

Omar Siriatik dator, eta egunero darama bere lautea alde batetik bestera. Besoan igeltsua du, Siriatik atera zenetik. Bere anaiak gerran jarraitzen du, eta bere gurasoekin telefonoz dituen elkarrizketek sentimendu oso desberdinak sorrarazten dizkiote. Lau protagonistek bizipen oso desberdinak dituzte, baina gauza bera bilatzen dute: toki hobe bat eta etorkizun bat. Infernutik datoz eta beraien zerua aurkitu nahi dute, bitartean linbo horretan bizi dira, Eskoziako uharte urrundu horretan.

Filmak malenkonia, antsietatea eta hotza helarazten ditu eta, agian, nahiko luzea egiten da batzuetan. Zuzendariak, bere bigarren lanean, istorio gordina kontatu digu, baina ikusi nahi ez dugun errealitatera gerturatu digu. Lan ausarta deritzot, batez ere, errefuxiatuen ikuspuntua oso landua dagoelako gidoian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Eñaut Zubizarreta musikaria, atzo, Ahotsenea gunean. ©ARITZ LOIOLA / FOKU

Bat, bi, bat, bi, hiru, lau

Iñigo Astiz

Murrizketekin ere, aurten Durangoko Azokako guneek berreskuratu egin dituzte beren programak, eta, murrizketak murrizketa, poza azaldu dute arduradunek, berriz ere jendeari aurrez aurreko saioak eskaini ahal izateagatik.

Ibai Aizpuruari beka emateko agerraldia. Ezker eskuin, Nerea Mujika, Ima Garrastatxu, Aizpurua eta Lorea Arakistain. ©Durangoko Azoka

‘Barraka’ euskarazko abentura bideo jokoak irabazi du Durangoko Azokako laugarren sormen beka

Ainhoa Sarasola

Ibai Aizpurua diseinatzaile eta programatzaile irundarrak eskuratu du 15.000 euroko laguntza, urtebeteko epean bere proiektua garatzeko. Heldu den urteko azokan aurkeztuko du emaitza.

 ©LARA MADINABEITIA / BERRIA

«Sortzailea hari honetan alderik makalena da, maiz zaintzen ez dena»

Andoni Imaz

Lagunak dira Morales eta Landabaso; biak Bilbotik etorri dira Durangora. Morales saltzera etorri zen lehenengoz, eta Landabaso, umea zela. Urte osoan erosten ez dituzten bitxikerien bila etortzen dira gaur egun.

Maia Iribarne eta Paxkal Irigoien musikariak eta <em>Bañolet</em> websailaren egileak, atzo, Durangoko 56. Azokan. ©ARITZ LOIOLA / FOKU

Heldu bilakatzearen konkista

Itziar Ugarte Irizar

Maia Iribarnek eta Paxkal Irigoienek 'Bañolet' websailaren aurrerapena aurkeztu dute, iaz sormen beka irabazi ondotik. Bederatzi kantuko diskoa ere kaleratu dute: 'Bañolet kantuz'

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.