Noiz sortua: 2019-07-02 00:30:00

Migratzaileak. Erreskate egitasmoak

Erreskate lanak egiteko debekuaren aurka egingo du 'Aita Mari' ontziak

Pasaian dira, aste batzuen buruan berriz itsasoratzeko asmoz. Isun posibleez arduratuta, ez dute asmorik galarazpena urratzeko, baina «tinko» eutsi nahi diote proiektuaren helburu nagusiari

JUAN CARLOS RUIZ / @FOKU Tamaina handiagoan ikusi

Arantxa Iraola -

2019ko uztailak 2

Itotako amets gehiagorik ez pankarta zabaldu zuten atzo eguerdian Ongi Etorri Errefuxiatuak plataformako hainbat lagunek, Pasai Donibanen (Gipuzkoa), Aita Mari itsasontziaren ondoan, haren arduradunek prentsaren aurrean egin zuten agerraldiaren harira. Igandean ailegatua zen ontzia portura, Grezian errefuxiatuei laguntza ematen bolada bat egin eta gero, eta itsasontziko arduradunek adierazi zuten lanean jarraitzeko asmoa dutela; ahal bada, orain arte jardun duten baino eskumen handiagoekin, gainera. Izan ere, erreskate lanetarako baimenik gabe ari dira, eta berez egiteko horretarako moldatu zuten ontzia, itsasoan estu eta larri dabiltzan errefuxiatuei laguntzeko. Horregatik, debeku hori gainditzeko ahalegina egin nahi dute: itsasontzian hainbat konponketa egin behar dituztela baliatuta, lehorrean igaroko dituzten asteotan «lege ekintzak» abiatuko dituzte ezarria duten debekuaren kontra. «Izan ere, legearen kontrakoak egiten ari dira, hilzorian dauden pertsonen erreskatea ukatuz», deitoratu zuten. SMH gobernuz kanpoko erakundeak du ontziaren ardura, eta bertako lehendakari Iñigo Mijangosek eta elkarteko erizain Izaskun Arriaranek hartu zuten hitza atzoko agerraldian.

«Borroka» horretan murgiltzeko borondate erabatekoa erakutsi zuten, proiektuaren helburu nagusiari «tinko» eustekoa; legeak zedarritutako esparruan, betiere. «Gure asmoa ez da ezarri dizkiguten araubideak urratzea; izan ere, isun handiak jar diezazkigukete, eta ez lirateke bideragarriak izango guretzat», onartu zuen Mijangosek. Hain justu, kasurik larrienetan zigorra 1,2 milioi eurokoa izan daitekeela azaldu zuen. Hortik ezina eta jardunerako eremu estuegia: «Egun, soilik gure bidean agertzen bada lagundu diezaiokegu norbaiti; erreskate aktiborik ezin dugu bideratu». Egoera hori gainditze aldera, aurrena «bide administratiboa» urratu nahi dute; helegitea jarriko dute Espainiako Itsas Merkataritzako Zuzendaritza Nagusian. Bide horretan aurrera egin ezinik geratzen badira, bestelako auzibideak hasteko asmoa dute. Prozesu «luzea» izango den susmoa dute, eta dirua biltzeko kanpaina bat abian jarriko dute urrats horiek finantzatzeko.

Aldarriak

Agerraldian, errefuxiatuen inguruan nagusitzen ari diren politikak kritikatu zituzten: «Instituzionalizatu egin da ahulenen aurkako biolentzia». Eta erakundeei jarrera aldatzeko eskatu zieten. «Espainiako Gobernuari, Europako Batzordeari eta nazioarteko erakundeei presazko neurriak hartzeko eskatzen diegu, migratzaile eta erakunde humanitarioen aurkako jazarpena zuzentzeko eta Giza Eskubideen Gutunak dioen eran jokatzeko». Espainiako Gobernuko presidente Pedro Sanchezek gai honetan izandako jarrera aldaketa ere hizpide izan zuten: «Orain, Italiako Barne ministro Matteo Salviniren jarrera bera du; makillaje gehiagorekin, ñabardurekin, baina, finean, ondorioa bera da: Mediterraneoa erreskate ontzirik gabe utzi nahi dute, horretarako argudio faltsu bat erabilita, horrek migratzaileak erakartzen dituela».

Joera horien ondoriotzat dute Carola Rackete kapitainaren atxiloketa ere; larunbat goizaldean atzeman zuten, Lampedusa uhartean (Italia), Sea Watch 3 ontzia baimenik gabe lehorreratzea egotzita; barruan 40 iheslari zeramatzan. Sostengua erakutsi diote Aita Mari ontziko eskifaiako kideek: «Gure kapitaina ere bada: gure babesa du. Nazioarteko zuzenbidea oinarri hartuta, haren jardunbidea egokia izan zen; errugabetu egin behar dute».

Italiako justiziak gaur erabakiko du Racketek preso jarraituko duen

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Donostiako Kontxa hondartza, pasa den asteartean. ©Gorka Rubio, Foku

Hondartzen erabilera «dinamikoa» egiteko eskatu du Jaurlaritzako Osasun Sailak

Berria

Osasun Sailak eskatu du hondartzak kirola egiteko, paseatzeko eta bainatzeko erabiltzea, baina ez hondarretan geldirik egoteko. Bizkaian, Areetan, Lagan, Laidan eta Ean hartu dute hondartza «dinamikoak» ezartzeko erabakia. Lapurdiko hondartzak, berriz, maiatzaren 16an ireki zituztenetik dira «dinamikoak». Egunaren zuzeneko kontakizuna, albistearen barruan.

Mari Luz Esteban eta Elixabete Garmendia. / ©GORKA RUBIO, FOKU

«Zahartzaroari ematen zaion tratamenduaren metafora da gertatu dena»

Maider Galardi F. Agirre

Koronabirusaren krisia piztu denetik, maiz hitz egin da adinekoen zaurgarritasunari buruz, eta, oraindik, kalera irteteko mugak dituzte adinekoek. Mari Luz Esteban antropologoak eta Elixabete Garmendia kazetariak, ordea, salatu dute adinkeria dagoela, eta beharrezkoa dela nagusiagoei ahots propioa ematea.

Hilberriak jakinarazteko taula, Eibarren (Gipuzkoa). ©GORKA RUBIO / FOKU

Koronabirusak hildakoak, osasun eremuka

Berria

Arabako, Bizkaiko eta Gipuzkoako osasun eremu bakoitzean zenbat gaixo hil diren kontsultatzeko modua jarri du Eusko Jaurlaritzak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna