Albistea entzun

Koronabirusa

Datuen goraldia apaltzen ahalegintzeko jarraibideak onartuko ditu gaur Labik

Osasun larrialdia berriz ezarri du Urkulluk, pandemia hasi zenetik hirugarren aldiz. 16:30erako deitu du Labi bilerara
Urkullu Labiren bilera batera sartzen, artxiboko irudi batean.
Urkullu Labiren bilera batera sartzen, artxiboko irudi batean. J.FONTANEDA / FOKU Tamaina handiagoan ikusi

Arantxa Iraola -

2021eko abenduak 3

Asteartean, Eusko Jaurlaritzako Osasun sailburu Gotzone Sagarduik iragarri zuen COVID-19aren datuen eboluzio «txarra» zela-eta berriz ezarriko zuela Iñigo Urkullu lehendakariak osasun larrialdia; atzo arratsaldean, Lehendakaritzak jakinarazi zuen atzo bertan izenpetu zuela osasun larrialdia ezartzeko dekretua lehendakariak, eta, ondorioz, gaur indarrean sartuko dela. Halaber, gaur arratsalderako Urkulluk bilerara deitu zuen Labi, izurria kontrolpean hartzen ahalegintzeko neurriak ezartzen dituen batzordea. 16:30ean izango da. Ondoren emango dute ezarriko dituzten jarraibideen berri. Atzo, Urkulluk esan zuen «neurrizkoak» izango direla. Pandemien aurkako legea onetsi zuten Eusko Legebiltzarrean, eta gogoratu zuen han ezarritako irizpideen araberako neurriak izango direla.

Urkulluk osasun larrialdia ezartzen duen hirugarren aldia izango da hau. 2020ko martxoan ezarri zuen lehenengo, hilak 14 zituela, COVID-19aren lehen olatuaren hasieran. Handik hilabete batzuetara, maiatzaren 18an, bertan behera utzi zuen; «zaintza eta kontrolerako» fase batera igaro nahi izan zuen. Baina abuztuan ezarri egin behar izan zuen berriro, datuek okerrera egin zutela eta. Osasun larrialdi hura indarrean egon zen orain bi hilabete arte; urriaren 5ean, datuak apalduta zeudela ikusita, bertan behera utzi zuen berriro. Baina ez du luze iraun.

Osasun ziurtagiria

Neurriak espero dira aurki osasun ziurtagiriari dagokionez ere. Espainiako Auzitegi Gorenak baimena emana dio Jaurlaritzari 50 bezero baino gehiagoko jatetxeetan eta gaueko aisialdian ziurtagiria eskatzen hasteko, eta auzitegiaren ebazpen ofiziala eskura izan orduko indarrean jarriko dutela esaten ari dira Jaurlaritzako iturriak. Are gehiago, atzo Iñigo Urkulluk iragarri zuen aztertzen ari direla ziurtagiri hori beste alor batzuetara ere zabaltzen hastea. Onartu zuen, hala ere, ez dela egun batetik besterako kontua izango: auzitegien babesa beharko lukete berriz.

Nafarroako Gobernuan ere ziurtagiriaren erabilera hedatzeko asmotan dabiltza; Maria Txibite lehendakariak atzo iragarri zuen zahar etxeetan eskatzen hastea aztertzen ari direla.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

HHI Helduen Hezkuntza Iraunkorreko ikastetxea, Tolosan. ©Josu Artutxa / Tolosaldeako Hitza

Gela bat, irakasleak eta egoera askotako ikasleak

June Romatet Ibarguren - Gipuzkoako Hitza

Hiru aste igaro dira Helduen Hezkuntza zentroetan ikasturtea hasi zutenetik, eta Gipuzkoan dauden 30 zentro baino gehiagotan hainbat adin eta jatorritako ikasleak bildu dira berriz ere. Horietako bakoitzak bere arrazoiak ditu eskoletara joateko: adibidez, tituluaren beharra edo etxetik ateratzekoa.

Ekotopaketetako parte hartzaileak, gaur, Portugaleten (Bizkaia). ©Ekotopaketak

«Antolakunde ekologista indartsu bat» eratzeko oinarriak jarri dituzte Ekotopaketetan

Berria

Larrialdi klimatikoaren aurrean indarrak eta borrokak batzea erabaki dute dinamikaren azken egunean, asanbladan. Antolatzaileen arabera, «inflexio puntu bat» izan da asteburua.

Kilometroak jaia, gaur, Ibarran (Gipuzkoa). ©Gorka Rubio / Foku

«Aro berriko lehen Kilometroak» ospatu dituzte Ibarran

Berria

Eguraldia lagun, jendetza elkartu da Gipuzkoako ikastolen aldeko jaian. Uzturpe Ikastolako patioa egokitzeko erabili nahi dute festan lortutako dirua.

Atzo goizean antolatutako bi mahai inguruetako bat. ©M. DEL VALLE/ FOKU

Ekotopaketak: egiturazko makur bat zuzentzeko

Iñigo Astiz

Kapitalismoaren dinamikaren ondorio ekologiko eta ekonomikoak elkarrekin aztertu dituzte Ekotopaketen bigarren eguneko goizeko mahai inguruan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.