Albistea entzun

«Ez da tentsio sindikaletarako garaia, elkarrekin lan egitekoa baizik»

MARISOL RAMIREZ / FOKU Tamaina handiagoan ikusi

Gotzon Hermosilla -

2022ko uztailak 30 - Bilbo

Dudarik gabe, nazioarteko egoera korapilatsuak eta hortik eratorritako krisi ekonomikoak aztarna utziko dute datozen hilabeteetan. Andoni Ortuzarrek ere uste du udazkena bero datorrela, baina espero du erakundeek hartutako neurriek lagunduko dutela egoera leuntzen.

Aditu guztiek diote udazkena eta negua gogorrak izango direla. Zuek bat zatozte iragarpen horrekin?

Badirudi aurreikuspen horretan denak datozela bat. Aldagai nagusia izango da Ukrainako gerraren bilakaera. Ikusiko dugu. Jaurlaritzak eta aldundiek neurri batzuk adostu dituzte, eta nik uste dut lagunduko digutela egoera gainditzen.

Lan eta gizarte arloan ere gatazkak areagotzea espero duzue?

Nik nahiko nuke kontrakoa gertatzea, eta mundu guztia kontziente izatea ez dela tentsio sindikaletarako garaia, elkarrekin lan egitekoa baizik. Egoeraren ondorio negatiboak leuntzeko neurriak hartu beharko dira, noski, baina norbait, etekin politiko edo sindikalak lortzearren, «zenbat eta okerrago, hobeto» esamoldeari atxikitzen bazaio, gaizki ibiliko gara.

Zer irizten diozu Pedro Sanchezek Pablo Gonzalez kazetariaren egoeraz esandakoari?

Nik uste dut auzi horretaz informazio gehiago behar dugula, eta jarduera diplomatiko handiagoa ere bai. Nik ez ditut egoeraren xehetasunak ezagutzen, baina, hain zuzen ere, horixe da kezkagarriena: hainbeste hilabete igaro ostean oraindik ez jakitea zehazki zer egozten dioten eta nolako frogak dauden. Nik ez dut aldez aurretik juzgatu nahi, eta errespetuz jokatu nahi dut alde guztiekin, baina oraingo egoera, linbo moduko batean egote hau, ezin da luzatu, eta Espainiako Gobernuak gehiago egin behar du.

Euskararen gaia agenda politikoan dago? Euskalgintzako sektore batzuek zalantzak dituzte horren inguruan.

Nik uste dut euskararen alde gaudenon artean aspalditik bi joera daudela: Umberto Ecoren liburua parafraseatuz, apokaliptikoak eta integratuak, hots, hau pikutara doala diotenak eta ikusten dugunok, adibidez, nire eskualdean ni gazte nintzenean ez zela euskararik egiten eta gaur egun egin egiten dela, gutxi edo asko. Nik uste dut lehenengo baldintza dela datuak modu objektiboan hartzea, eta botila erdi hutsik edo erdi beteta ikusten dutenen pertzepzioetatik harago datu objektiboak erabiltzea eta hizkuntzaren benetako erronkak non dauden detektatzea: nire ustez, erabileran eta teknologia berrietan.

Beraz, ez duzu uste lehentasun politikoen artean euskararena atzendurik gelditzen ari denik.

Ipar Euskal Herrian eta Nafarroan zalantza gehiago ditut, baina EAEn behintzat ezin dugu ahaztu sistema instituzional ia guztia hizkuntzaren auzian zalantzarik ez duen jendearen esku dagoela. Lehen alderdiak eta bigarrenak gauzak argi ditugu, eta, gainera, bat gatoz euskararen inguruko kontu gehienetan; nik uste dut aukera hori baliatu behar dugula.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Senideek, Azpeitiko alkateak eta abokatuek egindako agerraldia, atzo, Azpeitiko udaletxean (Gipuzkoa). ©JON URBE / FOKU

Pasaiako sarraskian hildakoen senideek auzia gizarteratu nahi dute

Iosu Alberdi

Harreman dinamika bat abiatuko dute martxoaren 28ra bitarte, instituzioek eta eragileek ere auzian eragin dezaten. Epaileak zazpi polizia deitu ditu martxoaren 28an identifikazio saio bat egiteko
Laura Pego eta Jeanette Ruiz Kriminologiaren Euskal Institutuko kideak, iaz landutako txostena eskuetan, Nafarroako Parlamentuan. Atzo eman zuten haren edukiaren berri. ©IÑIGO URIZ / FOKU

Torturari buruz «oraindik asko» dagoela ikertzeko nabarmendu dute

Joxerra Senar

Kriminologiaren Euskal Institutuak bere txostena aurkeztu du Nafarroako Parlamentuan. Laura Pego ikerlariaren arabera, kasu kopurua «garrantzitsua» da, eta azterlana «amaitu gabe» dago oraindik
Inma Jurio PSNko parlamentaria, atzo, Nafarroako Parlamentuan. ©IÑIGO URIZ / FOKU

PSNk ontzat eman du Nafarroako torturen eta tratu txarren txostena

Mikel Elkoroberezibar Beloki

Navarra Sumak esan du Poliziari «oso eskertuta» dagoela: «Baina torturatu duena ez da gutarra»
Alfredo de Miguel Arabako EAJko kide ohia epaitegira sartzen; hamabi urteko kartzela zigorra jarri diote. ©A.R. DE HIERRO / EFE

Jaurlaritzak baztertu egin du ustelkeriaren aurkako bulego bat sortzea

Xabier Martin

EH Bilduren ustez, ez da gobernuaren lehentasuna «ustelkeriaren aurka egitea». Jaurlaritzak uste du badela «egitura zabala» delitu horren aurka

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...