Araban kultura sustatzeko milioi erdiko inbertsioa egingo dute

Jaurlaritzaren diru sailak lau adar ditu, «bultzada» esparru guztietara zabaltzeko. Bideo jokoen alorrari garrantzia eman diote
Atzo aurkeztu zuten akordioa hiru erakundeek Jaurlaritzaren egoitzan.
Atzo aurkeztu zuten akordioa hiru erakundeek Jaurlaritzaren egoitzan. BERRIA Tamaina handiagoan ikusi

Kerman Garralda Zubimendi -

2017ko azaroak 11

Araban kulturari «bultzada nabarmena» emateko, Eusko Jaurlaritzak 500.000 euro bideratuko ditu. Jaurlaritzaren, Arabako Foru Aldundiaren eta Gasteizko Udalaren artean adostutako akordioaren xehetasunak eman zituzten, atzo, Jaurlaritzaren Lakuako egoitzan.

Inbertsioak lau lerro estrategiko ditu: Arabako kulturaren eta sormenaren errealitatea aztertzea, kultura ezagutzak gizarteratzen laguntzea, guneetan eta materialetan berrikuntza garatzeko inbertsioa egitea, eta, azkenik, lurraldeko kultura eta sormen egitura babestea.

Kulturaren eta sormenaren errealitatea aztertzeari dagokionez, alde batetik, dirua zinemagintza mapa bat egiteko erabiliko dute, eta, bestetik, arteen eta lurraldearen arteko harremanari buruzko prototipogintza proiektu bat sustatuko dute. Helburua artisten arteko sarea osatzea da, elkar ezagutu eta elkarrizketa areagotu eta integrazioa lortzeko.

Era berean, profesional horien lanak gizarteratzeko, Azala artista laborategian egiten diren jarduerak Ortzain proiektuaren edo Factoria de Fuegos elkartearen bidez zabalduko dituzte. Hedapenaren atalari bideratu diote diru sailik txikiena: %4,7.

Hirugarrenik, kultur tresna eta eremuak sustatzeko konpromisoa hartu dute hiru erakundeek. Hala, biogune bat eraikiko dute, gazteak lan mundura hurbildu daitezen egoitza artistikoen bitartez, eta arte biziaren liburutegi-mediateka bat ere egingo dute.

Bideo jokoetan enfasia

500.000 euroen zatirik handiena bideo jokoentzat izango da. Kultura eta sormen egiturak babesteko, bideo jokoei garrantzia eman nahi diete udalak, diputazioak eta Jaurlaritzak. Denera, 300.000 euro bideratuko dituzte horretara.

Lizentziatu berrientzako diru laguntzak ere egongo dira. Filmaketak erakartzeko pizgarriak ere emango dituzte, eta irudigileen topaketa bat ere antolatuko dute.

2017ko aurrekontuen negoziazioen ondorioa da hiru erakundeek onartutako saila. Eusko Jaurlaritzaren eta PPren artean adostu zuten kulturara zuzendutako diru sail hori Arabara bideratzea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna