Koronabirusa

EHUk uztailaren 6tik 8ra egingo du selektibitatea; ekain amaieran NUPek

Proben ezohiko deialdia uztailaren bigarren hamabostaldian egingo dute. Ebaluazio diagnostikorik ez dute egingo kurtso honetan
Unibertsitatera sartzeko probak, Iruñean, 2018an.
Unibertsitatera sartzeko probak, Iruñean, 2018an. IÑIGO URIZ / FOKU

Jon O. Urain -

2020ko martxoak 26

Unibertsitatera sartzeko probak uztailaren 6tik 8ra bitartean egingo dituzte Araban, Bizkaian eta Gipuzkoan, eta ekain amaieran Nafarroan. Espainiako Hezkuntza ministro Isabel Zelaa erkidegoetako ordezkariekin bildu zen atzo, eta bileran parte hartu zuten Carlos Gimeno Nafarroako Hezkuntza kontseilariak eta Cristina Uriarte Jaurlaritzako Hezkuntza sailburuak.

Euskal Herriko Unibertsitateak uztailaren 6tik 8ra egingo du ohiko deialdia, eta uztailaren 20tik 22ra ezohikoa. Ohiko deialdiaren emaitzak uztailaren 15ean jakinaraziko dituzte, eta ezohikoenak, hilaren 29an. Gimenok, berriz, jakinarazi zuen Nafarroan ez dituztela datak zehaztu, baina gutxi gorabeherakoak eman zituen: ekainaren amaieran egingo dute ohiko deialdia, eta uztaileko bigarren hamabostaldian ezohikoa. Ikasleek kezka adierazia zuten selektibitatearen eta baxoaren inguruan.

Jaurlaritzak adierazi duenez, «bere eskumen berezitasunagatik definitutako eskumen eremuan oinarrituta, Euskadi arduratuko da egungo probak egokitzeaz, ebaluazio irizpideak berrikusteaz edo proba mota malgutzeaz. Lan hori Euskal Herriko Unibertsitatearekin koordinatuta egingo da». Uriartek azaldu du «oso garrantzitsua» dela data zehaztea, hezkuntza komunitateak lanak antolatu ditzan.

Hego Euskal Herrian, aurreko astean jakinarazi zen hautaproba atzeratzeko erabakia, baina zehazteke zegoen ikasturte honetan egingo ote ziren, eta noiz. Adostu dute «azterketa eredua salbuespen egoerara» egokitzea, horrek ikasleei eragin ez diezaien. Espainiako Hezkuntza Ministerioak eman du albistearen berri, ohar batean; halaber, jakinarazi du Lehen Hezkuntzako hirugarren eta seigarren mailetan bertan behera utzi dituztela eta DBHko laugarren mailan egin ohi diren ebaluazio diagnostikoko probak.

Lan eskaintza publikoari dagokionez, Uriartek azaldu zuen Jaurlaritza aztertzen ari dela ekainaren 20an egitekoak diren proba atzeratzeko aukera. Nafarroak, ordea, «kudeaketa administratiboak nahikoa aurreratuta» dauzka, eta «egokitu daiteke jokaleku ezberdinetara», Gimenoren arabera.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Pertsona bat terraza batean eserita, Bilbon. ©Aritz Loiola / FOKU

Kasuek nabarmen egin dute gora Hegoaldean: 932 positibo

Amaia Ramirez de Okariz Kortabarria

Guztira, 12.746 PCR proba egin dira, eta egindako proba guztien %7,31k eman dute positibo. Nafarroan bi pertsona hil dira azken orduetan, eta Bizkaiko zahar etxeetan hiru egoiliar.

Osakidetzako protesta, atzo, Donostiako Amara Berriko osasun zentroaren aitzinean. ©GORKA RUBIO / FOKU

Osakidetzako «sakoneko arazoei» heltzeko eskatu dute sindikatuek

Maddi Ane Txoperena Iribarren

Protestak egin dituzte lehen arretako zentroetan. Langile gehiago eskatu dituzte, eta murrizketetan «galdutakoa berreskuratzea». Osasun Sailak dio «benetako konpromisoa» duela «sendotzeko»

Ikasgela huts bat Hernanin, artxiboko irudi batean. ©JON URBE / FOKU

Gero eta ikasle gehiago daude bakartuta ikastetxeetako kasuengatik

Uxue Rey Gorraiz

Jaurlaritzak esan du 80 ikasgela gehiago itxi dituela; ia 300 daude itxita Hegoaldean. Nafarroak laguntza emozionala emanen die ikasleei

Musukoek begiak estaltzen dituzten garai hauek

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna