Albistea entzun

Basoen babeserako lanean segitu beharra berretsi du Baso Biziak plataformak

Arabako, Bizkaiko eta Gipuzkoako hainbat udaletan jarritako mozioek egindako bideak jaso dituzte gida batean. Jardunaldi bat iragarri dute

Baso Biziak plataformako zenbait kide, atzo, Elgetan.
Baso Biziak plataformako zenbait kide, atzo, Elgetan. GOTZON ARANBURU / FOKU Tamaina handiagoan ikusi

Uxue Rey Gorraiz -

2021eko irailak 5

Atzera begirakoa egin du Baso Biziak plataformak. Egitasmoa joan den martxoan atera zen argitara, Baso bizien alde, eukaliptorik ez lelopean, eta ez dira gutxi ordutik hona basoen babeserako borrokan emandako pausoak. Besteak beste, plataformako kide diren talde batzuek mozioak aurkeztu dituzte Arabako, Bizkaiko eta Gipuzkoako hainbat herritako udaletan, basogintza eredu jasangarriagoak bultzatzea helburu. Orain, gida batean bildu dituzte mozio horiek kasuan-kasuan eginiko bideak. Atzo aurkeztu zuten dokumentua, Elgetan (Gipuzkoa) egindako agerraldi batean.

 

Argitaratutako gidan jasoa denez, plataformako kide diren norbanakoek eta taldeek hilabete hauetan guztietan egindako «lan isila jasotzea, ordenatzea eta ezagutaraztea» da asmoa. Gaur egun, hamalau talde baino gehiago dira plataformari atxikita.

Atzo aurkeztutako gidan mozioei buruzko hainbat xehetasun bildu dituzte, besteak beste: hala nola mozioa noiz aurkeztu zen, nork egina den, zer argudio aurkeztu ziren, eta zer erantzun zuen udal bakoitzak.

Herriaren arabera, desberdinak izan dira prozedurak eta emaitzak, baina, plataformako kide Edu Zabalak atzo azaldu zuenez, balorazioa «oso positiboa» da oro har. «Uste dut bidea ongi egina dagoela ,eta hori dela jarraitu beharrekoa», adierazi zuen. Hain zuzen, Zabalak azpimarratu zuen toki bakoitzean prozesuak nolakoak izan diren ikusteak nabarmen lagun dezakeela beste batzuek ere antzeko urratsak abiatu ditzaten. «Mozio batzuetan helburua eukaliptoa debekatzea izan da zuzen-zuzenean, beste batzuetan beste neurri batzuk proposatu dira. Herri bakoitzean zerk funtzionatu duen ikusteak balio dezake jakiteko zer bide den komenigarriena».

Gogoetak hauspotzeko

Baso Biziak-eko kideak ez dira mugatzen unean uneko urratsei erreparatzera. Izan ere, plataforma ikasturte berriari lotu zaio jadanik, eta, hain zuzen, deialdi bat iragarri dute udazkenerako: jardunaldi bat eginen dute azaroaren 27an. Zabalak jakinarazi zuenez, oraindik ez dute zehaztu jardunaldia Euskal Herriko zein herritan izanen den. Ordea, aurreratu du «monolaborantzari kontra egiteko alternatibak» aurkeztea izanen dela xede nagusietako bat. «Industria horien helburu bakarra epe motzeko etekinak jasotzea da, eta badirudi ahaztu egiten zaiela klima larrialdian gaudela», salatu zuen.

Halaber, azaldu zuenez, matarrasa ere izanen dute hizpide jardunaldian, besteak beste. Zabalak gogor kritikatu zuen mozketa teknika hori: «Lurra babesik gabe uzten du, eta lur emankorra galtzea dakar. Oso kaltegarria da». Hala, basoen egoeraren larritasuna ikusarazteko balioko du jardunaldiak, plataformako kideen esanetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñaki Uria, atzo, Martin Ugalde kultur parkean, alboan Oihana Iguaran aurkezlea duela. ©GORKA RUBIO / FOKU

Sokaren bi muturrak batu zituen «ametsa»

Julen Aperribai

'Euskaldunon Egunkaria' sortzeko egitasmora batzean Martin Ugaldek egindako hautuaz eta proiektua abiarazteko zailtasunez aritu da Iñaki Uria, Ugalderen jaiotzaren mendeurreneko hitzaldietan bigarrenean.
NU Nafarroako Unibertsitateko eta Cimako ikertzaileak, atzo zabaldu zuten irudian. ©BERRIA

Basurtuko erietxean hamazazpi kasu atzeman dituzte

Edurne Begiristain

COVID-19 agerraldietarako protokoloa ezarri dute. Zupiriak oroitarazi du «garrantzitsua» dela babes neurriak behar bezala betetzea
Sexu eraso baten kontrako protesta, uztailean ©Andoni Canellada  / Foku

24 urteko gazte bat preso sartu dute sexu erasoa leporatuta

Berria

Astelehenean, Zumarragan emakume gazte bati sexualki erasotzea leporatzen diote gizonezkoari

Indarkeria matxistaren aurka iaz Zarautzen eginiko protesta baten irudia. ©Jon Urbe, FOKU

Gizonezko bat atxilotu dute Zarautzen, emakume bati sexu erasoa egitea egotzita

Uxue Rey Gorraiz

Erasoa joan den igandean gertatu zen, goizaldean. Atxilo eraman zuten gizonezkoa, eta asteartean igaro zen epailearen aurretik. Zarauzko eta Zumaiako udalek elkarretaratzera deitu dute biharko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.