Albistea entzun

Santurtzin hilik topatutako adingabe baten heriotza ikertzen ari da Ertzaintza

Ostiralean zerraldo topatu zuten senideek. Ertzaintzak baieztatu du gorpuak kolpeak zituela eta litekeena dela horien ondorioz hil izana
Ertzaintzaren auto bat, artxiboko irudi batean.
Ertzaintzaren auto bat, artxiboko irudi batean. MONIKA DEL VALLE / FOKU Tamaina handiagoan ikusi

Jon O. Urain -

2022ko uztailak 3

Ertzaintza 15 urteko gazte baten heriotza ikertzen ari da, Eusko Jaurlaritzako Segurtasun Sailak atzo arratsaldean jakinarazi zuenez. Adingabea Santurtzin (Bizkaia) bizi zen, eta haren senideek ostiralean topatu zuten etxean zerraldo, ohean. Gorpuak kolpe ugari zituen, eta litekeena da kolpe horien ondorioz hil izana. Beraz, Ertzaintzaren hipotesia da homizidio kasu bat izan dela.

EITB irrati telebista publikoak zabaldutakoaren arabera, adingabea izeba batekin bizi zen Santurtziko Kabiezes auzoko etxebizitza batean. Jaiak dira bertan, eta gaztea lagunekin irten zen gauean. Goizean jaikitzen ez zela ikusita, izeba hura esnatzera joan zen, baina, esnatzen ez zela ikusita, larrialdi zerbitzuetara jo zuen. Anbulantzia bat etxera joan zen, baina ezin izan zuten gaztea suspertu. Bertara joandako sendagileak antzeman zuen gazteak kolpe ugari zituela.

Heriotza zerk eragin zuen ezin argituta, protokoloa aktibatu zuten, eta Bilboko Auzitegi Medikuntzako Zerbitzuaren esku utzi zuten gorpua, autopsia egiteko. Horren emaitzaren arabera, bortxazko heriotza izan da adingabearena, eraso baten ondoriozkoa. Hori dela eta, Ertzaintzak ikerketa bat zabaldu du gertatutakoa argitzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Dozenaka auzokide joan ziren Itzulbaltzetako Nagusien Etxearen atarira protesta egitera, atzo. ©MARISOL RAMIREZ / FOKU

Eguneko zentro baten hustea

Javi West Larrañaga

Ertzaintzak eta Getxoko Udaltzaingoak Getxoko Itzubaltzeta auzoko Nagusien Etxea husteari ekin zioten atzo. Auzitegiak agindu du eraikina ez eraisteko, baina poliziek lanean segitu dute halere.
Mugimendu feministak atzo egin zuen agerraldia, Getxon. ©MARISOL RAMIREZ / FOKU

Mugimendu feministak esan du Algortan ez zietela oztoporik jarri ertzainei

Irati Urdalleta Lete

Nabarmendu dute ez dutela mugimendu feministaren «kriminalizaziorik» onartuko, eta azaldu dute jaietako protokoloa bete zutela
 ©BERRIA

Irudi ase, intimitate gose

Isabel Jaurena

Azken urteetan ohikoa bihurtu da gurasoek seme-alaben argazkiak eta bideoak sare sozialetan zabaltzea. Adituek ohartarazi dute praktika horrek kalte egiten diola adingabeen pribatutasunari.

Hutsuneak ditu adingabeen pribatutasuna babesteko legediak

I. Jaurena

Ipar Euskal Herrian badaude sare sozialetan edukia sortzen duten adingabeak babesteko neurriak; Hego Euskal Herrian, ordea, ez

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...