PP prest dago Darponen kontrako gaitzespen mozioa babesteko

PPkoen babesarekin onartuko litzateke, EH Bilduren eta Elkarrekin Podemosen botoei gehituta. Bozketa martxoaren 21ean izango da
Jon Darpon Osasun sailburua, Eusko Legebiltzarrean.
Jon Darpon Osasun sailburua, Eusko Legebiltzarrean. RAUL BOGAJO / FOKU Tamaina handiagoan ikusi

Jon Rejado -

2019ko otsailak 24

Jon Darponek Osasun sailburu jarraitzeak gero eta zailagoa ematen du. Berriki adierazi du karguan jarraitzeko asmoa duela, baldin eta Eusko Legebiltzarrak haren kontrako gaitzespen mozio bat onartzen ez badu. Elkarrekin Podemosek jada aurkeztu du gaitzespen mozioa. Hori onartzeko, ordea, oposizioko alderdi guztien botoa beharrezkoa da: EH Bildu, Elkarrekin Podemos eta PP. EH Bilduk dagoeneko kargua uzteko eskatu dio Osasun sailburuari. PPk jarrera lausoagoa mantendu du, baina atzo iritzi aldaketa irudikatu zuen. Twitter bidez ezagutarazi zuen gaitzespen mozioa babestuko duela, aurrez Iñigo Urkullu lehendakariak Darpon kargugabetzen ez badu.

Fiskalaren ikerketaren emaitzak ezagutarazi eta berehala, Elkarrekin Podemosek eta EH Bilduk Darponi dimisioa emateko eskatu zioten. PP, ordea, Urkulluri mintzatu zitzaion, eta atzo lehendakariri bidalitako mezua gogortu zuen. «Oraindik garaiz dago erreakzionatzeko eta gure osasun sistemaren izen onari kalterik ez egiteko, ez badu ikusi nahi nola onartzen den Darpon kontseilariaren gaitzespena gure botoekin», idatzi zuen EAEko PPk Twitter kontuan. Bozketa martxoaren 21ean izango da.

Carmen Adan EAEko fiskalburuaren ikerketak hauspotu du aldaketa hori. Aurretik ekinbideak egon dira Legebiltzarrean Osakidetzako lan eskaintzako irregulartasunak direla eta. EH Bilduk ikerketa batzorde bat eskatu zuen. Oposizioko alderdi guztien babesa behar zuen aurrera egiteko. Ordea, Alderdi Popularrak ez zuen babestu. PPko legebiltzarkide Laura Garridok argudiatu zuen bozketa egin zen egunean, abenduaren 12an, bi ikerketa zeudela martxan, fiskalarena eta EAEko Arartekoarena, eta «komeni» zela itxoitea.

Kargua Darponen esku

Joseba Egibar EAJko Eusko Legebiltzarreko bozeramaileak Darponen jokabidea babestu du. Radio Euskadiko eztabaida batean oposizioko hiru alderdiek ideia bera defendatu zuten: gaitzespen mozioa heldu aurretik lehendakariak Darpon kargugabetu, edo sailburuak berak dimisioa eman beharko luke. Egibarrek errepikatu zuen sailburuak «egia» esan duela: lan eskaintza publiko «garbia» eskatu zuela. Halaber, aitortu zuen Darpon gertatutakoaren azken erantzulea dela, baina gaineratu zuen erantzukizuna partekatua dela «sindikatu eta medikuekin». Horregatik, defendatu zuen Darponek karguan jarraitu «behar» duela. Edonola zehaztu zuen «ezberdina litzatekeela» Darponek berak kargua utziko balu. Are, hala eginez gero, erabakiak «ohoratuko» lukeela gaineratu du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna