Noiz sortua: 2019-06-01 00:30:00

Hamabi musikari akustikoan ariko dira bihar, Musika Zuzenean jaialdian

Erredakzioa -

2019ko ekainak 1

Musika Zuzenean jaialdiaren laugarren edizioa hartuko du Usurbilek (Gipuzkoa), bihar arratsaldean. Aurrekoetan bezala, formatu akustikoa izango du jaialdiak, «formatu txikian aritzen diren musikariak» bilduta. Hamabi musikarik hartuko dute parte, eta bakoitzak bi kantu joko ditu. 19:00-21:30 bitartean egingo da, Sutegi antzokian. Sarrerak hamar eurotan daude salgai.

Antolatzaileen arabera, aurten «inoiz baino zailagoa» izan da egitaraua ixtea. 40 izeneko zerrendatik, ondorengo musikariak ariko dira azkenean: Abereh, Montauk, Paxkal Irigoien, Gartxot, Serge, Natali, Birkit, Sara Zozaia, Ane, Larra Bideak, Raitx eta Asier Beramendi.

Musikarien zertzeladak

Abereh ezizenaren atzean, Erik Berganza bizkaitarra dago. 2017an, Zaunka datoz arin lehen lana plazaratu zuen, eta bigarrena aurkezten ari da orain: Laino eta belatz artean. Montauk taldetik Beñat Goitia eta Aitor Garcia de Bikuña ariko dira biharko saioan, eta, haien atzetik, Gartxot; Yaw, Madeleine, John Berkhout, Pastoriza Anaiak eta Bizaldi proiektuetan aritu den musikaria.

Natali taldeko Natali Izagirre eta Ixak Arruti ariko dira bihar Usurbilen, Garena (2018) diskoko kantuekin. Bakarlari moduan aritzen den musikari bat helduko da gero: Ane. 2012an, Arrutiko intxaurrak maketa kaleratu zuen, eta, geldialdi baten ostean, oholtzara itzuli da berriz.

Asier Baramendi Eraul taldeko kidea da, eta pianoaren aurrean ariko da bihar. Sergio Ruiz G-Txabarrik, Sergek, aurten hasi duen bakarkako proiektuaren lagin bat eskainiko du. Eta, ondotik, Paxkal Irigoien ariko da, musika esperimentazioan eta rock eta folk doinuetan aritzen den musikaria.

Birkite Alonso gitarra elektrikoarekin ariko da. Bost urteko etenaren ondoren, Emen du bakarkako lehen lana. Rakel Arenaza ere gitarrarekin ariko da, Raitx izenpean. Eta Sara Zozaiak itxiko du jaialdia, duela gutxi kaleratu duen III lehen laneko kantuekin.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna