Albistea entzun

EHUk %3 handitu du bere aurrekontua, eta diru sarrerak «sendotu» ditu

Pertsonal gastuak ordaintzeko erabiliko du %77. Ikasleen tasetatik eta entitate pribatuetatik jasotzen du bere finantzaketaren laurdena
Ikasleak EHUko Leioako campusean.
Ikasleak EHUko Leioako campusean. LUIS JAUREGIALTZO / FOKU Tamaina handiagoan ikusi

Jokin Sagarzazu -

2019ko maiatzak 31

EHU Euskal Herriko Unibertsitateko Gobernu Kontseiluak 422 milioi euroko aurrekontua onartu du 2019. urterako; iazkoa baino %3 handiagoa. Nekane Balluerka errektorearen arabera, igoera horrek erakusten du unibertsitate publikoak «finantza baliabide sendoak» dituela. Aurrekontuaren %76 Eusko Jaurlaritzatik jasotzen du unibertsitateak, gobernuaren urteko aurrekontuetatik; gainerakoa, tasa akademiko eta administratiboetatik, eta entitate pribatuekin eginiko kontratuetatik. Aurrekontuaren %77 bere langileak ordaintzeko erabiliko du EHUk, eta bestea, ikerketarako, fakultate eta departamentuen jardunerako, eta ekipamendu gastuetarako.

Aurrekontu egitasmoa herenegun onartu zuen Gobernu Kontseiluak, aldeko 26 botorekin, zortzi abstentziorekin eta ezezkorik gabe. Gizarte Kontseiluaren oniritzia jaso beharko du datozen egunetan. Horko kide da LAB sindikatua, eta jakinarazi du abstenitu egingo dela. Komunikabideetara bidalitako ohar batean azaldu du EHUk finantzaketa publiko handiagoa behar duela irakaskuntza, ikerkuntza, transferentzia eta zerbitzu jardunei eta premiei aurre egiteko, eta bere langileei egonkortasuna eta «diskriminaziorik gabeko lan baldintzak» eskaintzeko.

Publikoari babesa

Nekane Balluerka errektoreak balorazio baikorra egin du. «Arduraz» jokatu dutela adierazi du, eta aurrekontuak egiteko orduan «eraginkortasuna eta erantzukizuna» izan dituztela irizpide nagusiak. Nabarmendu du EHUk krisialdi ekonomikoa gainditu duela, eta denbora horretan erakutsi duela diru sarrera propioak sortzeko gai dela. Horrekin batera, gogoratu du administrazioen babesa ezinbestekoa duela unibertsitate publikoak. Balluerkak instituzioei eskatu die EHUren aldeko «babes politikoa eta soziala» indartzeko

Hain zuzen ere, EHUren finantzaketa publikoa igoko da Jaurlaritzaren unibertsitate plan berriarekin: 2022ra arte, 1.350 milioi emango dizkio gobernuak, aurreko lau urteetan baino 120 milioi gehiago (%10). Duela lau urte, baina, unibertsitate publikoa izan zen kaltetu nagusia, pribatuen mesedetan. 2015-2018 epeko planak ia 200 milioi euro gutxiago izan zituen, eta EHUk berak bakarrik hartu zuen bere gain horren zama: %14ko jaitsiera izan zuen.

Herri Kontuen Euskal Epaitegiak, berriz, atzo jakinarazi zuen onartu egin duela EHUren 2016ko aurrekontuen txostena. Ordainketa batzuetan huts egiteak atzeman ditu, baina «arrazoizkotzat» jo ditu. Ohartarazi du, baina, EHUk aldi baterako lan kontratua duten irakasle eta ikerlarien kopurua Unibertsitateen Lege Organikoak ezarritakoa (%40koa) gainditzen duela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzak egindako ikerketaren zenbait pasarteren irudiak. ©BERRIA

Ertzaintzak lurralde antolaketaren aurkako delitua ikusi du Zaldibarren

Iñaki Petxarroman

Durangoko epaitegiari helarazitako ikerketa baten arabera, zegokion baino lur eremu zabalagoa erabili zuen Verter Recycling SM enpresak, Jaurlaritzaren eta Zaldibarko Udalaren baimenik gabe
 ©ENDIKA PORTILLO / FOKU

Dozenaka lagun Iruñean, «esklusibotasunaren alde eta osasunaren pribatizazioaren kontra»

Ion Orzaiz

Nafarroako Osasun Plataformak deituta, Osasunbidearen egoitzaren aurrean elkartu dira dozenaka pertsona, «osasun publikoa parasitatu nahi dutela» salatzeko

 ©MARISOL RAMIREZ / FOKU

«Osatu dugu minbizia? Oraindik ez, baina asko laguntzen ari gara»

Irati Urdalleta Lete

Aparteko kezka sortzen duen gaitza da minbizia, eta hori ikertzen aritzen da Zubiaga. Gaixoen biziraupena hobetuko bada, hiru norabidetan lan egiteko beharra ikusten du: diagnostiko goiztiarra, terapia zuzenduak eta txertoak.
AHTaren aurka 2010ean eginiko manifestazioa, Hendaia eta Irun arteko zubian. ©BOB EDME

Trenbidearen berritzea, abiadura lortzeko

Garazi Aduriz Zuñeda

Bordeleko, Baionako eta Irungo auzapezek trena berritzearen aldeko deia egin zutenetik, AHTaren eztabaida pil-pilean da Ipar Euskal Herrian. AHTaren aldekoak zein trenbidea berritzearen aldekoak beren argudioak mahai gainean jartzen ari dira proiekturik eraginkorrenaren bila.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.