Albistea entzun

Katalunia. Erreakzioak Euskal Herrian

Ertzaintza gazteei oldartu zaie Ernaik egindako mobilizazioetan

Bideoa, albistearen amaieran.

Bilboko manifestazioa, atzo.
Bilboko manifestazioa, atzo. LUIS JAUREGIALTZO / FOKU Tamaina handiagoan ikusi

Gotzon Hermosilla -

2019ko urriak 18

Milaka gaztek parte hartu dute Ernaik antolatutako mobilizazioetan, Kataluniako buruzagi independentisten kontrako epaia eta Altsasuko gazteen aurkakoa salatzeko. Gasteizen eta Bilbon egindako manifestazioetan, Ertzaintza gazteei oldartu zaie, eta Gasteizkoan hainbat lagun atxilotu dituzte; hemeretzi, Segurtasun Sailaren arabera.

Goizean, eskolak eten dituzte ikastetxe askotan, eta eguerdian mobilizazioak egin dituzte Bilbon, Donostian, Gasteizen eta Nafarroako zenbait lekutan. Gasteizko manifestazioaren ostean, gazte talde batek trenbidea trabatu du. Ertzainak agertu direnean, gazteek alde egin dute, baina ihes egiterik izan ez dutenak harrapatu eta atxilotu egin dituzte.

Bilbon, berriz, manifestazioa Arriaga plazatik Espainiako Gobernuaren ordezkaritzaraino joan da. Mobilizazioa amaituta zegoenean, ertzainak oldartu egin zaizkie gazteei, eta batzuk jo dituzte.

Atxiloketak salatzeko, berriro ere mobilizazioak egin dituzte iluntzean Donostian eta Gasteizen. Iruñeko manifestazioa ere iluntzean egitekoa zen. Sortuk «Ertzaintzaren bortizkeria» salatu du, eta atxilotuak aske uzteko eskatu du. «EAJ oker dabil bide horretatik; errepresioa eta indarkeria albo batera utz ditzan exijitzen diogu».

«Ez dugu onartzen»

Kataluniako prozesu subiranistaren kontrako epaia eta Altsasuko gazteen kontrakoa salatu nahi izan ditu Ernaik, Ez dugu onartzen lelopean egindako manifestazioen bidez. Gazte erakundeak azaldu duenez, bi epai horietako bat bera ere ez dute onartzen, «Espainiako proiektu inposatzaile eta atzerakoiaren alderik injustuena» erakusten dutelako.

Ernairen ustez, Espainia ez da «demokrazia» bat, «are gutxiago justizia oinarrian daukan estatu bat», eta bi epaiok jarri dituzte horren frogatzat. «Justiziaz mozorrotzen den legeria faxistak» eman die bide bi ebazpenei, gazte erakundearen iritziz.

Ernaik independentzia proposatu du aukera bakartzat «ezer aldatzeko prest ez dagoen erregimen autoritarioaren aurka», eta, hori lortzeko, «autodeterminazioa gauzagarri egingo duen gazte olatua» eratzeko dei egin du gazte erakundeak, «elkartasun hutsaletik harago, haserretuta egotetik harago».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iheslariak, 2013ko ekainean Miarritzen egindako ekitaldian. Han iragarri zuten sorterrira itzultzeko borondatea. ©GAIZKA IROZ /LE JOURNAL

BAINA BIHOTZAK DIO

Gotzon Hermosilla

Azken bost hamarkadetan, euskal iheslariena errealitate ezkutu eta ezezaguna izan da askorentzat. Mundu osoan barreiaturik egon ostean, aspaldi honetan sorterrirako bidea hartu dute haietako askok; hala ere, oraindik badaude zenbait oztopo, guztien etxeratzea galarazten ari direnak.

Iheslariak, 2013ko ekainean Miarritzen egindako ekitaldian. Han iragarri zuten sorterrira itzultzeko borondatea. ©GAIZKA IROZ /LE JOURNAL

Errefuxiatuen alderik humanoenaren bila

Ainhoa Larretxea Agirre

Sei errefuxiaturen historiak bilduko ditu 'Kaxa Hutsak' webdokak. Iheslarien alde humanora jo nahi izan dute, iheslari izateak bakoitzarentzat zer erran nahi duen adierazteko. Josu Larizen esperientzia biltzen duena dago ikusgai.
Jon Irazola, Itziar Imatz, Pello Gantxegi eta Arantxa Sasiain, Andoaingo Martin Ugalde kultur parkean. ©JON URBE / FOKU

«Hainbeste urtez egon naiz paperik gabe, Damoklesen ezpata gainean»

Jon O. Urain

Sarekadetan alde eginikoek «zortea» izan dutela; «justiziatik ihesi» joan zirela; hor zehar «aske» ibili direla. Hamaika uste ustel daude iheslari eta deportatuen inguruan, eta, mito horiek desegiteko, kolektibo horren kontrako «armategi administratibo eta errepresiboa» ikusarazi nahi dute Jon Irazolak, Itziar Imatzek, Pello Gantxegik eta Arantxa Sasiainek.
Herritar bat botoa ematen, 2019ko udal bozetan. ©Idoia Zabaleta / FOKU

Koronabirusak blaitu ditu agintaldiak

Jone Arruabarrena

Koronabirusak ezinbestean markatu du herrietako udal taldeen erritmoa azken bi urteotan. Agintaldien balantze bat egiteko asmoz, Bizkaiko, Gipuzkoako eta Nafarroako Hitzek herrialde bakoitzeko zenbait herritako alkateak elkarrizketatu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.