Albistea entzun

Koronabirusa

Atezainak Nafarroako jatetxeetako atarietan

Jatetxe handietan COVID-19 ziurtagiria eskatzen ari dira atzoz geroztik. Bezeroek prest eramaten dute, gehienek sakelakoan. Zenbait bazkari bertan behera utzi dituzte, eta beste batzuetara jende gutxiago azaldu da.
Bezeroak Iruñeko jatetxe bateko sarreran COVID-19 ziurtagiria erakusten, bazkaltzera sartu aurretik.
Bezeroak Iruñeko jatetxe bateko sarreran COVID-19 ziurtagiria erakusten, bazkaltzera sartu aurretik. IDOIA ZABALETA / FOKU Tamaina handiagoan ikusi

Iker Tubia -

2021eko azaroak 28 - Iruñea

Jatetxeko atarian denak ari dira sakelakoari begira. COVID-19 ziurtagiria bilatzen ari dira. Ilara txiki bat egin da, kuadrilla bat eta bikote bat. Haien esperoan, langile bat, beste sakelako bat eskuan. QR kodea irakurri die barrura sartu diren guziei. Beharrezko txertoak paratuak dituzte denek; beraz, barrura. Urrats batzuk aurrerago, bezeroek sakelakoa atera dute berriz. Wifi pasahitza eman diete, eta QR kode bat: karta. Osasun arauak azaldu dizkiete, eta orain bai, mahaira.

Ikusi gehiago: Ziurtagiriaren argibideak

Atzoz geroztik, Nafarroan COVID-19 ziurtagiria eskatzen ari dira 60 lagun baino gehiago sartzen diren jatetxeetan, gaueko ostatu eta dantzalekuetan, eta jan-edana baimendurik duten mila lagunetik gorako ikuskizunetan. Diskoteketan nola, atzo atezainak zeuden Nafarroako jatetxeetako atarietan. Iruñeko Olaverri erretegian, esaterako. Jendeak, hala ere, prest zeraman pasaportea; gehienek, sakelakoan. Erreserba batzuk bertan behera gelditu ziren; beste batzuk, murriztu.

«Guk ez dugu plana aldatu behar izan; are, ulertzen dugu neurria. Hobe da ahalik eta jende gehien txertatzea», esan zuen Jaime Amezkoak. Beatriz Lasterrarekin joan zen. «Aspaldi dugu pasaportea, bidaiatzeko behar genuelako», Lasterrak. Xabier Rodriguezek aspaldiko adiskideekin zuen bazkaria, eskola garaikoekin. Ez zen inor kanpoan gelditu: «Niri ongi iruditzen zait ziurtagiria eskatzea, txertatzea betebeharra delako. Gure taldean denek daukagu txertoa paratuta; beraz, denak sartu gara».

Ezohiko neurria zela agerikoa zen, kazetari anitz bildu baitziren jatetxeko atarian. Arauak nonahi irakur zitezkeen, ohartarazpen eta guzi: «Ez ditugu guk ezartzen arauak». Adolfo Larraza Olaverriko jabeak azaldu zuen neurriak ez ziela askorik eragin: «Hau hasi zenetik, langile bat dugu arauak azaltzeko eta gogorarazteko soilik». Ongi iruditzen zaio ziurtagiria eskatzea. «Traba bat gehiago da, baina hobe hori jatetxea ixtea baino». Gainera, uste du badela bezeroak eta langileak babesteko modu bat.

Beldur bakarra zuen: inor ziurtagiririk gabe agertzea eta sesioa izatea. Izan dituzte batzuk beste arauengatik ere. Ez hori bakarrik, ohartarazpena egin zuen: «Nik ezin dut nortasun agiria eskatu; ziurtagiria faltsua bada, ezin dut deus egin». Ikusgai da bestelako kontrolik izanen ote den.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal Herriko jaiotza tasa, herriz herri

Euskal Herriko jaiotza tasa, herriz herri

Berria

Mila biztanleko kalkulatzen da jaiotza tasa: herri bakoitzeko biztanleak mila balira jaiotzak zenbat liratekeen neurtuta. Herrien artean konparaketak egiteko balio du tasak. Euskal Herriko jaiotza tasa mila biztanleko 7koa zen 2020an, 1960ko hamarkadatik baxuena. 2008tik hiru puntu jaitsi da jaiotza tasa, orduan 10,2koa baitzen.

Bilbo Bizkaia Ur Partzuergoko arduradun Pedro Barreiro eta Koldo Urkullu, atzo, Bermeon. ©MARISOL RAMIREZ / FOKU

Hasi dira ur edangarria Santurtzitik Bermeora itsasontziz garraiatzen

Gotzon Hermosilla

«Ezohiko egoera bati erantzuteko ezohiko neurria» da ontziarena. Bilbo Bizkaia Ur Partzuergoko arduradunen esanetan, uraren kalitatea bermatuta dago: «Ez dago kontrol gehiago duen urik»

Uztail erditsuan, jadanik, Ortzaizeko errekak kasik osoki idortu ziren, arrainen irautea lanjerean jarriz. ©ERROBIKO AAPPMA

Ur kamioiak lehortea arintzeko

Leire Casamajou Elkegarai

Azken hogei egunetan, Ortzaize eta Arrosa herriek ez dute nahiko urik izan tokiko biztanleriaren beharrei erantzuteko. Azken euriteek arazoa hein batean konpondu dute; bestelako kezka bat ekarriz, ordea.

Bilboko Alde Zaharreko zenbait bizilagunen agerraldia, atzo. ©MARISOL RAMIREZ / FOKU

Salatu dute Bilbon jazarri egin zaizkiela bortxaketa baten berri emateagatik

Oihane Puertas Ramirez

Bilboko Alde Zaharreko auzokideek jakinarazi dute hogei bat lagun identifikatu dituztela. Autodefentsa feministara deitu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...