Noiz sortua: 2020-06-04 00:30:00

HIZPIDEAK

Su-emailea gobernuan

Martxelo Otamendi Egiguren -

2020ko ekainak 4

Etsigarria izango da, hala gertatuz gero, ikustea AEBetako hauteskunde gauean Donald Trumpek irabazi dituela presidente izateko hauteskundeak, asteotan gertatuak gertatu. Aspaldi ez bezalako errebolta egoera ari dira bizitzen AEBetan; matxinadan parte hartzen ari direnetako gehienentzat aurreneko aldia baita mota horretako protesta batean parte hartzen ari direna. Inoiz ez zuten esperoko beren burua egoera horretan ikustea.

Derek Chauvin polizia zuriak George Floyd herritar afro-amerikarra inpuneki hil ondorengo protesta erreakzioak baliatu nahi ditu Trumpek azaroko hauteskundeetako kanpainaurrean. Ikusi du esku gogorraren praktika ondo ikusia dagoela AEBetako herritar askoren artean, duela lau urte garaipena eman zioten herritar haietako asko bat datozela Trumpek Minneapolis hilketaren auzian eduki duen mespretxuzko jokabidearekin.

Trump COVID-19 gaitzarekin ganorabakoen pare aritu dela ikustean, hainbat boto emailek duda edukiko zuten Trumpi boto berriro eman edo ez erabakitzeko orduan. Dudati horien botoa ziurtatzeko estrategia abiatu du AEBetako presidenteak batere gorritu gabe.

Zorteko da Trump demokratek daukaten hautagaiarekin.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osakidetzako langile bat Txagorritxuko laborategi batean lanean. ©Gorka Rubio, Foku

Justizia Auzitegi Nagusiak ebatzi du Osakidetzak arriskuan jarri dituela langileak

Ainhoa Larretxea Agirre - Mikel P. Ansa

Osagileen sindikatuek jarri zuten salaketa, eta ekainaren 16an egin zuten epaiketa. ESK sindikatuak Nekane Murga Osasun sailburuaren eta Osakidetzako zuzendaritzaren dimisioa eskatu du. Osakidetzak, ordea, «positibotzat» jo du ebazpena, epaileak atzera bota dituelako sindikatuen «eskari gehienak».

Jendea paseoan, konfinamendua arintzeko lehen fasean. ©JON URBE/ FOKU

Jaurlaritzak ziurtatu du COVID-19aren agerraldiak «kontrolatuta» daudela

Irati Urdalleta Lete

Beste hamalau positibo eta hiru hildako daude. Jaurlaritzak pentsatu du neurriak areagotuko dituela jende pilaketak «mantenduz eta orokortuz» gero

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna