Albistea entzun

Etxerat-en adierazpena kritikatu dute euskal presoen hainbat senidek

Erredakzioa -

2019ko martxoak 13

Euskal presoen eta iheslarien 32 senidek eta lagunek gutun publiko batean kritikatu egin dute Etxerat elkarteak ETAren biktimei barkamena eskatu izana, nahiz eta idatzian ez duten Etxerat-en aipamen zehatzik egin. «Argitasun osoz adierazi nahi dugu senide moduan guk ez diogula inolako barkamen eskaerarik zor inori, ez dugula onartzen ETAren biktimen mina areagotu izana, eta salatzen dugula ETAren biktimen hainbat erakundek gure egoera kaskartzeko egindako lobby lana», diote Gure duintasuna ez dago salgai eskutitzean. Izen-abizenez sinatu dute. «Ez dugu onartzen ez dagokigun ardurarik, eta are gutxiago gure senideen eta gure bizitzak izorratzen dituzten horien nahi aseezinak kontentatzeko».

Etxerat-ek, martxoaren 1ean Donostian aurkeztutako adierazpenean, «begirunea eta enpatia» agertu zien indarkeriaren biktima guztiei, eta «barkamena» eskatu ETArenei, haien «minaren aurrean isiltasuna» izan duela eta «urrun» egon dela aitortuta. Adierazpena, «bizikidetzari» egindako «ekarpena» dela zioten elkarteko bozeramaileek.

Maite Aranalde, aske

Maite Aranalde euskal presoa (EPPK) behin-behinean libre geratu da, Etxerat-ek jakinarazi duenez. Soto del Realeko (Madril, Espainia) espetxetik herenegun gauean atera zen Aranalde; zain zituen senide eta lagun batzuk. Joan den urteko irailean Frantziak Espainiaratu egin zuen.

Bestalde, Espainiako Espetxe Erakundeek Xabier Agirre eta Unai Fano euskal presoak (EPPK) Euskal Herrira gerturatu dituzte: Agirre Logroñoko kartzelara eraman dute, Ocaña I-etik, eta Fano Soriara, Algecirastik. Bigarren graduan dauzkate. Bi hurbilketak otsailaren 22an iragarri zituen Madrilek.

PSOEren gobernuak 22 euskal preso gerturatu ditu; horietatik hogei, azarotik aurrera. Euskal Herriratu, berriz, hiru, eta Xabier Sagardoirena (EPPK) iragarria du, baita hirugarren gradua ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ortuzar, Forondan bildurikoei mintzatzen. ©Jaizki Fontaneda / FOKU

«Ez Sanchez ez Feijóo: Euskadi» mezua aireratu du EAJk Alderdi Egunean

Berria

Iñigo Urkullu EAEko lehendakaria, Andoni Ortuzar alderdiko burua, eta EGIko Bea Berlanga mintzatu dira Forondako ekitaldian

Arkaitz Rodriguez, gaurko ekitaldian. ©Juan Herrero / EFE

Borrokarako deia egin du Sortuk, «kalean zein erakundeetan»

Berria

Irailaren 27aren harira ekitaldia egin du alderdiak Tolosan

Gaurko ekitaldiko une bat. ©BERRIA

Omenaldia egin diote Katalunian Txikiri, Guardia Zibilak fusilatu zuten lekuan

Berria

Besteak beste, Txikiren anaia Diego Paredes eta EH Bilduko Iñaki Ruiz de Pinedo mintzatu dira ekitaldian

Urkullu eta Andueza, herenegun, Eusko Legebiltzarrean. ©RAUL BOGAJO / FOKU

Zaharrak berria jan du

Iosu Alberdi

Erkorekak baieztatu du transferentzien inguruko elkarrizketak egiten ari direla. Jeltzaleek ez diote erreferentziarik egin estatus politiko berriari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...