Koronabirusa. Zahar etxeak

«Goxotasuna falta da egoitzetan»

Luz Ibañez. Aurrez gaitza zen egoera okertu egin du osasun larrialdiak Azkoitiko San Jose zentroan ere. Hitz gogorrak ahoskatu ditu Ibañezek: «Ez dut halakorik nahi niretzat».

Maite Asensio Lozano -

2020ko maiatzak 24

Neka-neka eginda daude zahar etxeetako langileak, Luz Ibañezek hainbatetan esan duenez: «Ezin lo egin, antsietatearekin... Egunak joan eta egunak etorri, hau ez da amaitzen. Eta segitu egingo du». 37 urte daramatza sektorean lanean; egun, Azkoitiko (Gipuzkoa) San Jose egoitzan dabil, eta LAB sindikatuko ordezkaria da han. «Lehen, gaizki geunden, eta, orain, okerrago». Osasun larrialdiak lan zama handitu diela nabarmendu du: «Protokoloaren arabera, egoiliarren logeletan ahalik eta jende gutxiena sartu behar da, eta ahalik eta gauza gehiena egin; beraz, laguntzaileoi dagokigu orain tenperatura hartzea, gela bera garbitzea... Eta ez du denerako denbora ematen».

«Koronabirusak azkena eman digu, bai egoiliarrei bai langileei. Haiek zein guk sufritzen baitugu». Adinekoek adierazten dieten esker onak iraunarazten ditu beharginak: «Lan mordoa egiten ari gara: aurrera goaz langileak bihotzez ari garelako, %150 ematen». Ibañezek erantsi du egunotan hogei minutu lehenago sartzen ari direla lanera, segurtasun neurrietara egokitzeko, eta sarri beranduago ere ateratzen direla. «Ez pentsa enpresak ezer jarri duenik; laguntza txiki bat baino ez digute ekarri goizetan, baina lanaldi erdi bat ere ez da. Koronabirusak mundua aldatu du, baina diruak jarraitzen du agintean».

Minez aitortu du ez direla ailegatzen zerbitzu ona ematera: «Goxotasuna falta da egoitzetan, pertsonekin pixka bat egotea. Egungo sisteman, ez dago astirik adinekoei arreta egokia emateko, oinarrizko beharrak asetzeaz harago. Orain, bisitarik gabe daude, eta nabaritzen dute norbaitekin hitz egiteko beharra, norbaitek aditzeko premia. Gainera, maskarekin ez digute ondo ulertzen; beste harresi bat ekarri du horrek». Dei egin die agintari politikoei: «Etor daitezela hona, gure lana ikustera, edo astebete bizitzera; ez lukete geratu nahiko. Gogorra da hau esatea, baina nik ez dut halakorik nahi niretzat; batzuetan, ez da beste erremediorik geratzen, baina nire ama ez nuke eramango zahar etxe batera, ez behintzat baldintza hauetan».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osasun langile bat pertsona bati PCR proba egiten, herenegun, Ordizian. ©Jon Urbe / Foku

58 dira Ordiziako agerraldiarekin lotutako kasuak

Iosu Alberdi - Irati Urdalleta Lete

Positibo emandakoek ezingo dute bozkatu Ordizian. Bai, ordea, haien kontaktu zuzenek. Araban beste foku bat izan den ikertzen ari da Osasun Saila, azken orduetan bederatzi kasu atzeman ostean.

Nafarroako Gobernuko Osasun kontseilari Santos Indurain. ©Jesus Diges / Efe

23 positibo detektatu dituzte Tuterako agerraldian

Igor Susaeta

Beste agerraldi bat gertatu da Iruñean, eta bost pertsona kutsatuta daudela baieztatu dute

Agerraldien ondorioz, jolas parkeak itxita daude berriro Ordizian. ©Juan Carlos Ruiz / Foku

Osasun Sailak «neurriak aurreikusi» dituela «egiaztatu» du Hauteskunde Batzordeak

Berria

Ordiziako agerraldiaren harira, osasun eta boto eskubideak bermatze aldera EH Bilduk eginiko eskaera aztertu du batzordeak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna