Etxerat euskal presoen senideen elkarteak bilera egin zuen atzo Foro Sozial Iraunkorrarekin, Bilbon, eta salatu zuen oraindik ere 144 euskal preso daudela lehen graduan. Presoek espetxe legedia betetzeko oztopoak dituztela ohartarazi du elkarteak: izan ere, bigarren gradura pasatzeko eskaerak egin arren, ukatu egiten dizkiete presoei, Etxerat-en arabera.
Iñaki Alonso preso ohiak parte hartu zuen atzoko bileran, salatzen dutenaren erakusle: Alonsok 25 urte egin ditu preso Kordobako espetxean (Andaluzia), eta guztiak egin ditu lehen graduko erregimen itxian; azken urteak, bakartze moduluan. «Graduz aldatzeko hainbat bide zabaldu zituen, baina espetxe administrazioaren jarrera immobilista eta mendekuzkoarekin egin zuen topo».
Legea betetzeko oztopoak salatu ditu Etxerat-ek
Iruzkinak
Ez dago iruzkinik
Ordenatu