Albistea entzun

Euskal gazteriaren aldeko aldarrikapenek hartu dituzte Baionako karrikak

200 lagun inguru bildu dira asteon Lapurdin atxiloturiko gazteei babesa azaltzeko. Agintarien eta Poliziaren bortizkeria salatu dute, irmoki
Atxiloturiko gazteei babesa azaltzeko martxa, Baionan, atzo.
Atxiloturiko gazteei babesa azaltzeko martxa, Baionan, atzo. PATXI BELTZAIZ Tamaina handiagoan ikusi

Uxue Rey Gorraiz -

2021eko irailak 19

Lau egun dira Frantziako Poliziak uztailaren 14ko gertakarien harira Lapurdin lau gazte atxilotu zituela. Ordutik egunak igarota ere, ordea, ezin esan liteke gazte horientzako elkartasun mezuak itzaltzen hasiak direnik. Poliziaren operazioak hainbat eta hainbat herritarri eragindako sumina piztua da oraindik; Baionako karrikak izan dira horren lekuko. Izan ere, U14 kolektiboak deituta, asteazkeneko atxiloketak salatzeko eta atxilotuei babesa azaltzeko mobilizazioa egin zuten atzo 200 bat pertsonak, herriko etxetik abiatuta. Euskal Herriaren independentziaren aldeko oihuak ere ozen aditu ziren.

Manifestariek grinaz egin zuten protesta. Gogoz salatu zuten, besteak beste, polizien bortizkeria, eta, gainera, ez zen faltatu Jean François Hirigoien Donibane Lohizuneko (Lapurdi) auzapezaren kontrako mezurik ere. Alkate, delinkuente irakur zitekeen mobilizazioan zeramaten pankarta batean, adibidez. Mezu horiez gainera, argia zen mobilizazioaren mezu nagusia: Ez gaituzue geldituko zioen martxaren hasieran zeramaten pankartak.

Martxa bukatuta, asteazkenean atxilotutako gazteetako bi mintzatu ziren, eta esker mezuez ekin zioten hitz egiteari. Batik bat, atxiloketak gertatu ondotik egin diren elkarretaratze eta protesta ugariak ekarri zituzten gogora. «Zinez, mila esker [...] Argiki ikusi dute gutako bat hunkitzen badute herri osoa ukanen dutela parean», esan zuen bietako batek.

Halaber, «Nor da hemen bortitza?» galdetu zuten gazteek. Atxiloketak egiteko moduak gogorarazi zituzten, baita, adibidez, Hazparneko gaztetxea husteko operazioa eta Oier Oaren kontra hartu diren neurriak ere. Azkenik, indarrez, adierazi zuten azken egunotako zein lehendik gertatutako atxiloketek eta polizien bestelako ekintzek ez dutela euskal gazteriaren bidea oztopatuko. Borrokan segitzera deitu zuten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ibaetako Campusean duela hilabete batzuk egindako manifestazioa. ©GORKA RUBIO/FOKU

EHUk espediente informatibo bat zabaldu dio eraso sexista batengatik salatu duten irakasleari

Berria

Arkitektura Fakultateko irakasle batek ikasleei eraso sexista bat egin ziela salatu dute UIB Unibertsitateko Indar Batasunak eta Arrakala emakume taldeak. Gertakariari buruzko «informaziorik» ez ematea leporatu diote EHUri.

Ziudadelaren barnaldea, asteazkenean. ©BERRIA

Hipika txapelketa bukatu eta hilabete eta erdira, Iruñeko Ziudadela hondarrak hondatua dago oraindik

Uxue Rey Gorraiz

Iruñeko Udalak antolaturiko hipika txapelketak irailaren 12an izan zuen azken eguna. Ordea, txapelketarako erabilitako Ziudadelako zuloguneak hareaz beteak dira oraindik. Navarra Sumak salbu, udaleko talde politikoek adierazpen bat onartu dute eremua berehala egokitu dadila eskatzeko.

Arabako, Bizkaiko eta Gipuzkoako erakundeetako arduradunak izan dira BECen, gaurko aurkezpenean ©Irekia

Zaintza ereduaren «paradigma aldaketa» jaso du Jaurlaritzaren estrategia soziosanitario berriak

Edurne Begiristain

2021-2024 aldirako estrategia soziosanitarioa aurkeztu dute Arabako, Bizkaiko eta Gipuzkoako instituzio nagusiek. Besteak beste, «adinekoak beren etxean edo etxe baten antzekoak diren zentroetan» bizitzea sustatuko dute.

Aste honetan Haurrak Bai-k deituta Ataungo Joxemiel Barandiaran herri ikastetxean egin duten eserialdia. / ©Goierriko Hitza

Jolasgaraian 12 urtetik beherakoak maskara janztera derrigortzen dituen aginduari eutsiko dio Jaurlaritzak

Jon Ordoñez Garmendia

Gotzone Sagarduik argudiatu du haurrak babesteko neurri bat dela, eta esan du gaur egungo egoera ez dela ona.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.