Albistea entzun

Igone Campos. Mendiko eskiatzailea

«Arantza txiki bat gelditu zait»

U. UGARTEMENDIA Tamaina handiagoan ikusi

Unai Ugartemendia -

2021eko martxoak 9 - Arinsal

Estreinako parte hartzea izan du Igone Camposek (Zumarraga, Gipuzkoa, 1991) munduko txapelketetan. Ikasgai handia izan da.

Nolako esperientzia izan da?

Oso esperientzia sakona izan da. Lehen helburua asko ikastea zen. Oraindik ez dakit egunen batean aukerarik izango dudan Munduko Kopan edo Europako txapelketaren batean aritzeko, baina haietarako burua kontrolatzen eta nerbioei aurre egiten ikasi nahi nuen. Ikasgai handia izan da.

Nerbioak aipatu dituzu. Lehen eguneko esprintetan kalte egin zizuten.

Kristorena izan zen! Dena aurka izan nuen: nerbioak eta burua. Oso-oso urduri jarri nintzen lasterketaren aurretik. Banakako diziplina bat da esprintena, eta dena zalantzan jartzen nuen: zein erritmo eraman, aldaketak... Esperientzia falta izugarria nabaritu nuen. Espainian, lehen fasea pasatzeko ez da arazorik izaten, baina hau oso ezberdina izan da.

Munduko txapelketa hauek guztiz bestelakoak dira?

Bai. Hemen ezin duzu akats txiki bat ere egin. Lehen hutsegitean kalean zaude. Jendea izugarri ondo prestatuta dago.

Beste proba, igoera bertikala, beste kontu bat izan zen.

Bai, askoz ere lasaiago nengoen aurretik. Nire diziplina gustukoena da, eta askoz ere esperientzia gehiago daukat. Ibilbidea ere ezagutzen nuen, eta beste gorputzaldi batekin irten nintzen. Lehen hamabostetan sailkatzea zen asmoa, eta bete nuen helburua.

Asebete al zaitu emaitzak?

Jende askok zoriondu nau, baina ez nago guztiz pozik. Lasterketa amaitzean pozik nengoen emaitzarekin, baina bi egun izan ditut hausnartzeko, eta orain konturatu naiz ez nauela asko bete. Hamargarren postua zazpi segundora izan nuen, bai, baina iruditzen zait denboraldiaren beste zatiren batean, Sierra Nevadan (Andaluzia, Espainia) jokatu zen Espainiako Kopan esaterako, indartsuago nengoela. Gehiagorako gogoarekin gelditu naiz.

Datorren urtean Europako txapelketak izango dira...

Etorkizunean lehian jarraitzeko asmoa daukat, baina aurtengo denboraldia amaitutzat eman dut. Suhiltzaileetarako oposizioetan ari naiz buru-belarri, eta probak amaitzean korrikako denboraldiarekin hasiko naiz.

Zer ikasi duzu txapelketotan?

Kirol honetan jarraitu, hazi, ikasi, hobetu, eta espezializatu egin nahi dudala. Hurrengo bi urteetan gogor lan egin nahi dut; nire gaitasunen mugak zein diren ikusi nahi dut. Nire burua bertikalen diziplinan ikusten dut, eta oraindik gehiago eman dezakedala iruditzen zait. Esprintetan ere asko hobetu dezakedala iruditzen zait.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aitor Elordi eta Jose Javier Zabaleta, garaipena ospatzen, txapelketan jokatutako aurreko lehia batean. ©O. MATXIN EDESA / FOKU

Bikain biribildu dute

Julen Etxeberria

Elordik eta Zabaletak nagusitasunez irabazi diete Peñari eta Eskirozi, eta finalerdietako ligaxkarako sailkatu dira. Jakak eta Arangurenek bigarren garaipena lortu dute, Peio Etxeberriari eta Rezustari gailenduta

Unai Garcia Osasunako erdiko atzelaria, baloia bereganatu nahian, atzo, Cornella-Praten. ©ALEJANDRO GARCIA / EFE

Osasunak txinparta falta du

Eñaut Agirrebengoa

Osasunak puntu gazi-gozoa lortu du Espanyolen aurka. Partidako lehen gola sartu du, baina itzali egin da gero.

Robin Le Normand, Igor Zubeldia eta Martin Zubimendi, sasoi honetako entrenamendu batean. ©JAVIER ETXEZARRETA / EFE

Moxalen jauzi handia

Jon Ander De la Hoz

Realaren garai onean izarrak soilik ez, harrobiko jokalariak ere ari dira taldea hauspotzen. Zubietan ondutako jokalariak gako bilakatu dira azken boladako emaitza onak lortzeko. Gaur, Valladolid jasoko dute.

Athleticek eta Alavesek galdu egin dute etxean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.