Albistea entzun

Goreneko fiskalak uste du Nieblaren hilketan badela genero aldagaia

Maite Asensio Lozano -

2021eko azaroak 4

Espainiako Auzitegi Goreneko Fiskaltzak uste du Asier Nieblaren hilketa epaitu zuen epaimahaiak «zuzen» aplikatu zuela genero astungarria; EAEko Justizia Auzitegi Nagusiak kendu zion astungarri hori epaiari. Defentsak zein akusazioek jarritako helegiteez ebatzi behar du orain Gorenak, eta fiskalak eskatu dio kontuan izateko genero aldagaia.

2018ko urrian zendu zen gazte urnietarra (Gipuzkoa), abuztuan jasandako eraso baten ondorioz: gizon batek bikotekide ohiarekin hizketan ikusi zuen Niebla, eta ukabilkada gogor bat eman zion; biktima lurrera erori zen, burua kolpatu zuen, eta, zauri larri haien ondorioz, bi hilabetera hil zen. Gipuzkoako Lurralde Auzitegiak hamabi urte eta 11 hilabeteko zigorra ezarri zion erasotzaileari, genero astungarria aplikatuta, baina EAEkoak 11 urte eta erdira murriztu zuen kondena.

Goreneko fiskaltzak argudiatu du akusatuak ez zuela onartu bikote harremana eten izana, eta horrek eragin zuela Nieblaren aurkako erasoa; areago, adierazi du emakumea ere delituaren biktima izan zela, besteak beste, «harreman afektibo bat noiz eta norekin izan erabakitzeko askatasunari eraso» egin ziolako.

Adingabe bati, abusuak

Nafarroako Auzitegiak bi urte eta erdiko espetxealdia ezarri dio 62 urteko gizon bati, sexu abusu eta sexting delituengatik. Epaileek frogatutzat jo dute akusatua saiatu zela 15 urteko neska batekin sexu harremanak izaten —gutxienez behin adingabea bortxatzen ere saiatu zen—, eta biluzik ateratako argazkiak eskatzen zizkiola. Abusatzaileak ezinen du biktimarengana hurbildu lau urte eta erdian. Kartzela zigorra etetea onartu du auzitegiak, «zigortuak betetzen baditu aurreko betebehar guztiak, eta hiru urtez deliturik egiten ez badu».

Baionako Auzitegian ere gizon bat epaitu zuten atzo, emazteari zazpi urtez tratu txarrak ematea egotzita; fiskalak urte eta erdiko kartzela zigorra galdegin du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Osasungintza pubikoaren alde herenegun Gasteizen egin zen mobilizazioa. ©RAUL BOGAJO / FOKU

Lehen arretan 198 langile gehiago behar direla dio Osakidetzak

Julen Aperribai

Langileak falta direla aitortu arren, lehen arretako arduradunak esan du errua ez dela administrazioarena. Positibo kopurua jaitsi egin da Hego Euskal Herrian: 4.488 atzeman dituzte

Propagandisten Elkarte Katolikoak Gasteizko hainbat autobus geltokitan jarritako kartelak. ©ENDIKA PORTILLO / FOKU

Abortuaren aurkako jazarpena, ikusgai

Edurne Begiristain

Elkarte katoliko batek Gasteizko hainbat markesinatan jarritako kartelak erretiratzen hasi da Gasteizko Udala. Polemika piztu du toki publikoetan bazterketa sustatzen duen propaganda agertu izanak.

Txertatze ziurtagiria baitezpadakoa da Ipar Euskal Herriko zenbait egituratan

Txertatze ziurtagiria baitezpadakoa da Ipar Euskal Herriko zenbait egituratan

Oihana Teyseyre Koskarat Ekhi Erremundegi Beloki

Hemendik aitzin, 16 urtetik gorako herritarrek beharrezkoa dute txertatze ziurtagiria erakustea hainbat leku publikotara sartzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.