Albistea entzun

Literatura. 'Kamisoi zuri zetazkoa'

Hitz grafikoak

Testua: Alaine Agirre. Ilustrazioak: Sara Morante. Generoa: Eleberria. Argitaletxea: Erein.

Joannes Jauregi -

2019ko maiatzak 12

Iazko azaroan kaleratu zen Kamisoi zuri zetazkoa, Alaine Agirreren sorkuntza emankorraren azken katebegia. Egile oparoa baita, 2014an lehen lana kaleratu zuenetik liburuak etengabe argitaratua: hiru nobela, poema liburu bat eta beste hainbat lan haur eta gazte literaturan. Oraingo Kamisoi zuri zetazkoa hau kontakizun ilustratua dugu, eserialdi batean irakurtzeko moduko 55 orrikoa.

Ezin esan, hargatik, liburu arina denik. Latza baita istorioa, eta laztasun horretan sakontzeko pentsatua du idazkera. Kontatua dago esaldi motz eta irmotan, eta bakoitza ia ukabilkada bat bezala irakurtzen da. Alabaina, ipuinaren laburra eta idazkeraren soila gorabehera, eta protagonista narratzailea haur bat izan arren, ez nuke haur eta gazteentzako literaturatzat joko.

Kontakizunean, Libek uda batean ingelesa ikasteko kanpamentuetan izandako esperientzien berri ematen digu. Heltzearen, emakumetzearen hastapenekin dago kezkatua protagonista: lehen hilekoaren «lotsa eta ikara. Tabua eta sekretua», lehenbiziko titi zorroak, heldu izateko irrika xaloa. Heltze inuzente bat da udako kanpamentu horretakoa, harik eta esperientzia lazgarri eta traumatiko batek goitik behera inarrosten duen arte. Gertatu beharrekoa ezari- ezarian gertatzen da, abiadura artegagarriz, eta irakurleak ia begiak itxita bezala egiten du aurrera, jakinik desastrea badatorrela baina zehazki noiz lehertuko den jakin gabe, harik eta ohartzen den arte ez dela benetan lehertzen, pixkanaka garatuz joan den eztanda leun bezain sakon bat dela guztia. Efektu indartsua da benetan, aztoragarria, kontaerak eta idazkerak lagundua; bukaera poetikoak ere ia beldurrezko film baten azken cliffhanger-aren usaina dauka.

Ezin ahaztu, baina, Kamisoi zuri zetazkoa-ren beste egilea, Sara Morante ilustraziogilea. Gure gizartean, badirudi haurrak direla ilustrazioen eta animazioaren helburu, eta pertzepzio hori oso poliki ari da aldatzen. Esan dugu, baina, ilustraziook ez daudela haur eta gazte literaturarako lan batean. Ez naiz egokiena arte grafikoari buruzko juzguak emateko, baina esango nuke ilustrazioak eta testua erabat bermatzen direla bata bestean, eta nolabaiteko elkarrizketa poetiko bat ezartzen dutela elkarrekin. Hain justu ere, marrazkiek —bai eta testuaren maketazio-diseinu ederrek ere— areagotu egiten dute testuaren poetikotasuna; hainbat xehetasun azpimarratzen dituzte, eta, literalegiak izan gabe ere, Agirrek testuan botatzen dizkigun hainbat irudi nabarmentzen edo lausotzen dituzte. Pertsonaiaren osagarri ere badira, haien aurpegi zurrun eta hieratikoek ezin hobeto egiten baitute bat Agirreren idazkerarekin, protagonistaren kontatzeko moduarekin.

Liburu polita da, bati baino gehiagori ondo etorriko litzaiokeena komikiak, nobela grafikoak eta halakoak irakurtzen ikasteko (horretan ere ikasi egin behar baita). Anbizio neurtua du, eta, bere xumean, erakusten digu zeinen ederki lotu dakiokeen testua irudiari eta irudia testuari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Oscar Gomez eta Esperanza Lopez —ezkerretik hasita, lehenengo biak—, hiru performerrekin batera. ©Iñigo Uriz / Foku

'Harrespila' ikuskizuna Oteiza museoan eskainiko dute asteburuan

Ane Eslava

L'Alakran taldearen performance bat da. Oteizaren teorietatik abiatuta, cromlech bat osatuko dute parte hartzaileekin batera. Hamabi saiotan egingo dute, eta izena emateko aukera zabalik dago.

Ekoizleak, zuzendaria, aktore nagusiak eta instituzioetako ordezkariak, pelikularen aurkezpen prentsaurrekoa baino lehen, atzo, Bilboko Azkuna zentroan. ©MONIKA DEL VALLE / FOKU

Hilezkor izateak ikaratuta

Amaia Igartua Aristondo

Gaur estreinatuko dute Igor Legarretaren 'Ilargi guztiak' filma, Bilbon, Fant jaialdiaren inaugurazioan. Heriotzak eragiten duen beldurraz dihardu, hilezkortasuna lortzen duen pertsonaia baten begietatik

 ©MONIKA DEL VALLE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.