EBk aireko zubi bat sortuko du Kongori laguntza emateko

Europako Batzordearen Krisien Kudeaketarako komisario Janez Lenarcicek atzo jakinarazi zuen EB Europako Batasunak «aireko zubi humanitario bat» sortuko duela Kongoko Errepublika Demokratikoari laguntza emateko; zehazki, Ipar Kivu probintziara bidaliko dituzte elikagaiak eta sendagaiak. Denera, 47 milioi euroko laguntza izango da, eta helburua da «zaurgarrienei» babesa ematea.