Albistea entzun

Iruñeko talde bortxaketako espetxeratu baten zigorra arintzeko eskatuko dute

'Soilik baietz da baietz' legearen interpretazio jakin bati helduta, zenbait sexu erasotzaileren zigorrak arintzen ari dira epaile batzuk
Iruñeko talde bortxaketaren aurkako protesta bat.
Iruñeko talde bortxaketaren aurkako protesta bat. JESUS DIGES / FOKU Tamaina handiagoan ikusi

Xabier Martin -

2022ko azaroak 18

Soilik baietz da baietz legeak 200 boto baino gehiago lortu zituen Espainiako Kongresuan aurten, eta legegintzaldiko gehiengo zabalenetako bati esker onartu zen. Orain, berriz, hautsak harrotzen ari da onarpena ardatz duen legea, zenbait epaile sexu indarkeriagatik espetxeratutako gizon batzuen zigorra arintzen ari baitira. Aldaketa Zigor Kodearen erreforman datza. Legea aldatzeko, Zigor Kodeko zenbait artikulu ere egokitu behar izan zituzten, eta horrek berekin ekarri zuen apalagoak izatea sexu askatasunari lotutako delitu batzuk egiteagatik jar daitezkeen gutxieneko eta gehienezko zigorrak.

Baliteke 2016ko Iruñeko talde bortxaketan parte hartu zuen gizon bati ere mesede egitea laster lege berriak izan dezakeen zulo horrek. Haren abokatu Agustin Martinezek iragarri du helegite bat aurkeztuko duela aringarri hori lortzeko eta bere bezeroaren zigor kartzela arintzeko. Angel Boza hamabost urteko espetxe zigorra betetzen ari da sanferminetako talde bortxaketaren harira, eta, gutxienez, urtebete murriztuko liokete zigorra helegitea aintzat hartuko balute. Gipuzkoako epaitegi batek ere jaso du sexu indarkeriagatik zigortutako gizon bati aringarria aplikatzeko eskaera.

Eraso sexualen biktimentzat segurtasun falta handia dakarren egoera horretan zer egin, hori da orain lehenbailehen erantzun beharreko galdera deserosoa, legearen sustatzaileentzat; hau da, Espainiako Gobernuarentzat eta, zehazki, Irene Montero buru duen Berdintasun Ministerioarentzat. Monterok azaldu du zenbait epaile «legearen interpretazio matxista» egiten ari direla. Beste epaitegi batzuetan, atzera bota dituzte kartzela zigorrak txikitzeko eskaerak. Baina Espainiako justiziaren «joera matxista eta patriarkala» nabarmendu du gertatzen ari denari azalpena emateko.

Montero ministroak esplikatu du Espainiako Auzitegi Gorenak jurisprudentzia ezartzen duenean bukatuko dela zigortuek aringarriak lortzeko aukera legal hori. Luze gabe iristekoa da Gorenaren erabaki hori, baina, bitartean, lege berriaren izpirituarekin bat ez datorren interpretazio jakin baten ondorioz, libre gera daitezke zigortu gehiago.

EAJk esan du legea «ukitu» egin beharko litzatekeela, «epaile guztiak matxistak diren ustean tematu gabe». EH Bilduko legebiltzarkide Oskar Matutek ere ez du baztertu legea doitzeko aukera, «ihesbideak» baldin baditu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alberto Perez, Sindikatu Medikoko burua, atzoko agerraldian. ©AITOR KARASATORRE / FOKU

Osasunbidearen eskaintza medikuei: soldata igoera eta 32 paziente egunean

Ion Orzaiz

Nafarroako Gobernuak «asmo handiko eskaintza» egin dio Sindikatu Medikoari, greba eragozteko. Esklusibotasuna kenduko lukete, baina trabak jarrita sare publikoan eta pribatuan aldi berean aritzeari
Pilar Alegria Espainiako Hezkuntza ministro eta PSOEko eleduna, atzo egindako agerraldian. ©FERNANDO ALVARADO / EFE

'Soilik baietz da baietz' legea aldatzea Kongresuan proposatuko du PSOEk

Maite Asensio Lozano

Berdintasun Ministerioak ez du uste moldaketak zigor berrazterketen auzia konponduko duenik

Donostia ospitaleko zerbitzuburuen protesta bat, abenduan. ©JON URBE / FOKU

Negoziazioa «bideratuta» egon arte protestan segituko dute Donostia ospitalean

Julen Aperribai

Elkarretaratzea egin dute berriro ere. »Kronograma» bat bidali zioten Osakidetzako zuzendaritzari, eta horren erantzuna jaso zain daude
Irabia-Izagaren Izaga egoitza, Cordovillan, artxiboko irudi batean. ©IÑIGO URIZ / FOKU

Nafarroak batxilergoko ituna eten die ikasleak sexuka bereizten dituzten eskolei

Ion Orzaiz- Irati Urdalleta Lete

Hezkuntza Departamentuaren esanetan, Opus Deiren bi eskolek, Miravalles-Redinek eta Irabia-Izagak, «ez dituzte betetzen itunerako ezaugarriak»

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...