Irati Goikoetxea Asurabarrena. (Beasain, Gipuzkoa, 1984)

Herriak ez du barkatuko (Elkar, 2021) argitaratu du Irati Goikoetxeak, Igartza saria jaso eta gero. Indarkeriaren biktima baten istorioa du hizpide, ez alferrik: matematikaria ikasketaz, irakaslea ogibidez, Nafarroako Gobernuko Bizikidetza arloan ari da lanean. Hori baino gehiago ere bada: «Kirolzalea, saskibaloi jokalari ohia eta gaztetxotatik mendizalea, mendiari oso lotua; naturarekin bat egiteko aukera ematen digulako».