Finantzen Euskal Kontseilua. Zerga bilketa. ANALISIA

Baikor, eta herren

Iker Aranburu -

2019ko urriak 12

Iragarleak panorama ekonomikoa belzten ari direnean, baikortasuna saldu nahi izan dute Eusko Jaurlaritzak eta Bizkaiko, Gipuzkoako eta Arabako foru aldundiek. Ustekabeko baikortasuna, esango bainuke Lakuan bildutako kazetari gehienek espero zutela Azpiazu eta ahaldun nagusiak justifikazio bila hasiko zirela aurtengo helburura ez iritsi izanaren arrazoiei buruz. Bada, oker ginen.

Hori bai, iragarpenak iragarpenak dira, eta horrelakoetan huts egiteko joera handia du Finantzen Euskal Kontseiluak: azken hamabost urteetan hiru aldiz besterik ez da asmatzetik gertu izan —eta hori aurtengo 120 milioiko balizko desbideraketa txikia ontzat hartuz gero—.

Kalkuluak beteko badira, errenta zergaren bilketaren indarrarengatik beteko da. Seinale ona da, normalean horrek esan nahi duelako enplegua sortuko dela eta soldatak igo.

Baina bada Finantzen Euskal Kontseiluaren kalkuluetan beste behin herren dagoen zerga bat: sozietateena. Hau da, enpresek beren irabazien arabera ordaintzen dutena. Bilketa, handitu beharrean, txikitu egingo da, bai kopuru aldetik (19 milioi), bai zerga guztien artean duen pisuan (%8,6tik %8,2ra).

Jaitsiera hori aurten gertatuko denari batuko zaio: iragarpenak betez gero, iaz baino 125 milioi gutxiago bilduko ditu. Egia da 2018. urtea aspaldiko onena izan zuela sozietate zergak —365 milioi handitu zen, eta %9,8ra heldu zen—, baina orain ikusten ari da gauza puntuala izan zela, egutegian egindako aldaketen ondorio. Urrun daude 2007ko kopuruak —2.034 milioi—, eta urrun jarraituko dute azken erreformaren ondorioz enpresek ordaindu behar duten tasa beste bi puntu jaitsiko delako 2020an. Bide batez, tarte horretan errenta zergaren bilketa %40 handitu da, eta %23 BEZa.

Eta herren dauden atalen artean ezin aipatu gabe utzi Ekarpen Legearen berritzea, Finantzen Euskal Kontseiluko klasikoen artean klasikoena. 2011z geroztik, hura berritu ezinik dabiltza aldundiak eta Jaurlaritza, eta, urtea joan urtea etorri, berrituko dutela agintzen dute. «Zirriborroa nahiko aurreratuta dago», esan zuen atzo Pedro Azpiazuk.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna