Albistea entzun

Pascal Gaigneren bi lan estreinatuko ditu Euskadiko Orkestrak gaur

'Urrutiko arimak' eta 'Urruneko azalak' obrek osatzen dute diptikoa; pandemian idatziak dira. Hamar saio egingo ditu orkestrak, gaur hasita

Erredakzioa -

2021eko urriak 28

Gaur hasi eta azaroaren 4ra arte bere denboraldiko bigarren kontzertu programa aurkeztuko du Euskadiko Orkestrak Donostian (gaur eta bihar), Gasteizen (asteartean), Bilbon (asteazkenean) eta Iruñean (ostegunean). Egunero bi saio egingo ditu orkestrak (18:00etan eta 20:15ean), eta, horietako bakoitzean, programa jakin bat interpretatuko du, nahiz eta bi saioen artean lotura ezinbestekoak izango diren.

Izan ere, Pascal Gaigneren bi obra estreinatuko ditu Euskadiko Orkestrak kontzertuotan,Urrutiko arimak eta Urruneko azalak, eta eguneko saio bakoitzean horietako bat joko du orkestrak. Bi obrek, ordea, diptiko bat osatzen dute, eta elkarrekin joz gero, hirugarren bat sortzen dute.

Urruneko izakiak diptikoa pandemiak ekarri zituen ondorioetatik sortu zen. Hasieran, Euskadiko Orkestrak Hypnos variations triptikoaren bigarren zatia enkargatu zion Gaigneri —lehen obra 2016ko martxoan estreinatu zuten, Robert Treviñok orkestra lehenengoz zuzendu zuen kontzertuan—. Hipnos loaren jainkoaren mitoa jorratzen duen sorkuntza horretan, Gaignek gorazarre egin zion Mikel Laboaren «Lekeitioen mundu zirraragarri eta hipnotikoari». Nolanahi ere, pandemiak ekarri zituen murrizketak zirela-eta, Gaigneri eta Euskadiko Orkestrari iruditu zitzaien agian ezinezkoa izango zela orkestra handi bat agertokian biltzea; beraz, Gaignek konponbide bat proposatu zuen: bi obra idaztea, bata orkestrako musika tresnen erdietarako eta bestea orkestrako musika tresnen beste erdietarako, biak batera edo bakoitza bere aldetik jo zitezkeenak. Bi piezak gainjarri egin daitezke, eta, ondorioz, orkestra osorako den hirugarren obra bat sortzen dute.

Txaikovskiren 1. eta 3. sinfoniek osatuko dute Jaume Santonjak zuzenduko duen programa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

KANTATUKO DIREN HITZAK SORTZEA

KANTATUKO DIREN HITZAK SORTZEA

Aitor Biain

Musikari askok bilakatzen dituzte kantu beste sortzaile batzuek idatzitako hitzak. Enkarguz egin ohi dituzte gehienetan, doinua eta gaia aurrez emanda, baina baita aurretik idatzitako testuak erabilita ere. Entzulearentzat sarri ezezaguna izan ohi den langintza da, ordea, kanta idazlearena.

Camen Martin Gaite idazlea, 1995. urtean. ©BERRIA

Solas betea

Joannes Jauregi

XX. mendeko idazle nagusietako bat izan zen Carmen Martin Gaite espainiar letretan. Pentsamendua muturreraino atzeman nahi izan zuen, eta ahozkotasuna ere idatzira ekarri.

Irati Jimenez idazleak iaz plazaratu zuen <em>Begiak zabalduko zaizkizue</em> saiakera. ©OSKAR MATXIN EDESA / FOKU
Los Angeleseko bere etxean grabatu du disko berria Sharon van Ettenek. ©TORBEN CHRISTENSEN / EFE

Trauma baten aringarri

Mikel Lizarralde

Pandemia bete-betean eta hark eraginda sortu ditu Sharon van Etten kantari estatubatuarrak 'We've Been Going About This All Wrong' bere seigarren diskoko hamar kantuak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...