HILBERRIA. Txomin Saratxaga

Memoriaren militantea

ZALDI ERO

Olatz Enzunza Mallona -

2019ko uztailak 4
Txomin Saratxaga EAJko kidea zendu da. Klandestinitatean Bizkai Buru Batzarreko partaide gisa hasi zen, eta 1977an eta 1979an BBBko burukide egin zuten. Hala ere, azken urte horretan bizitako barne liskarrek politika alde batera uztera eraman zuten Saratxaga. Ordutik, Kirikiño liburudendan lanean aritu izan da Bilboko Poza Lizentziatuaren kaleko galeria batean; betiere EAJri eta abertzaletasunari buruzko lanei estu loturik eta era askotako ekintzak antolatuz.

Euzkadi Buru Batzarreko presidente Andoni Ortuzarrek bere Twitter kontuan idatzi du Saratxagaren heriotza galera bat dela abertzaleentzat: «Galera handi-handia izan da Euskadirentzat eta abertzale garen guztiontzat. Nire doluminik sentikorrena bidali nahi diet senideei eta lagunei. Besarkada estua denei. Goian bego. Egun handira arte, Txomin!»

Alderdiak berak ere esker oneko hitzak idatzi ditu Twitter kontuan: «Abertzale eredugarria, zintzoa eta errepikaezina».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna