Nafarroako senatariaren hautaketa adostu ezinda jarraitzen du lauko ohiak

Ezkerrak espero du gainerako taldeek «hitzartutakoa betetzea». Geroa Baik uste du baldintzak aldatu direla, eta hautagaia aurkeztuko du
Aldaketa Espainiako Senaturako zerrendaren aurkezpena, martxoaren 9an.
Aldaketa Espainiako Senaturako zerrendaren aurkezpena, martxoaren 9an. JON URBE / FOKU Tamaina handiagoan ikusi

Jon O. Urain -

2019ko abuztuak 28

Datorren astelehenean hasiko da urte politiko berriaren lan jarduna Nafarroako Parlamentuan, eta talde politikoek izango dituzten gai nagusietako bat izango da legebiltzarrari dagokion senataria aukeratzea. Aukeraketak ez du aparteko liskarrik sortzen, baina oraingoan desadostasunak sortu dira Geroa Bairen eta Ezkerraren artean; atzo egin zuten desadostasunok konponbidean jartzeko bilera bat, baina bi indarrak ez ziren bat etorri, eta, beraz, oraindik ikusteko dago zer taldekoa izango den senataria.

Aurreko legealdian laukoa osatzen zuten alderdiek egin zuten bilera atzo: Geroa Baik, EH Bilduk, Ahal Dugu-k eta Ezkerrak. Azken talde horren asmoa da hautagaia aurkeztea senataria hautatzeko saioan, argudiatuta hala erabaki zutela lau indar politikoek apirilaren 28ko hauteskundeen aurretik. Horregatik, Marisa de Simon Ezkerrako bozeramaileak atzoko bileran esan zuen «espero» duela talde politiko guztiek «adostutakoa betetzea». Espainiako Senaturako bozei begira, lau taldeek hitzartu zuten Aldaketa zerrendan Ahal Dugu-k, EH Bilduk eta Geroa Baik postu bana izatea eta, parlamentuak hautatzen duen senatariaren kasuan, Ezkerraren hautagaitza babestea.

Bestelako aburua du Geroa Baik. Izan ere, uste du hitzarmena ez dagoela «indarrean», Aldaketak senatari bat baino ez zuelako lortu: «Akordioa apirilaren 28an bertan erori zen». Ohar batean, Geroa Baik azaldu du ez duela liskarrean aritu nahi Ezkerrarekin, baina erantsi du ez duela bat egiten haren interpretazioarekin: «Espero dugu Ezkerrak, aldaketarekiko leial jokatu duen bazkideak, zilegi den desadostasun bat ez eramatea soilik gobernuaren aurkakoei mesede egingo liekeen konfrontazio batera».

Senataria aukeratzeko, hautagaiek Nafarroako Parlamentuaren gehiengo soila behar dute. EH Bilduk eta Ahal Dugu-k esana dute Ezkerrako hautagaia babestuko dutela, eta, beraz, hamar parlamentariren botoak izango lituzke. Geroa Baik, berriz, PSNrekin ados jarrita, hogei izango lituzke; Navarra Sumak bezainbeste, eskuineko koalizioak ere asmoa baitu hautagai bat aurkezteko. Kasu horretan, Navarra Sumarentzat litzateke senataria, berdinketa izanik parlamentari gehien dituen taldearen hautagaia aukeratu behar delako.

Bilkura eskea Iruñean

EH Bilduk, PSNk eta Geroa Baik Enrique Maia Iruñeko alkateari eskatu diote dei dezala premiazko osoko bilkura batera, zinegotzien aldaketa gauzatu eta «udalbatzaren egiazko ordezkaritza bermatu ahal izateko». Ohar bateratu batean, hiru indarrek gogorarazi dute Elma Saez eta Itziar Gomez zinegotziek dimisioa eman zutela, eta, oraindik ez dutenez modurik izan horiek ordezkatzeko, udalbatza 25 zinegotzik osatzen dutela gaur-gaurkoz, jatorrizko 27en ordez. Ohartarazi dute horrek «gehiengoen eta gutxiengoen arteko korrelazioa moldatuko» lukeela. Maiari proposatu diote gaur-biharretan egitea ezohiko bilkura.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Erizain bat, gazte bati txertoa ematen, Brasilen. Umeak txertatzeko ohiko kanpainetan jaitsiera nabaritzen hasi dira aurten ©FERNANDO BIZERRA JR / EFE

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, txertoari buruzkoak.

Nafarroako Ospitaleko ZIU gunea, Iruñean. / ©Jesus Diges, EFE

Iruñea ez dago Madrilek hiriak konfinatzeko ezarri dituen irizpideen barruan

Arantxa Iraola - Maddi Ane Txoperena Iribarren

Positiboen tasa eta PCR bidez atzemandako kasuak aintzat hartuta, itxi egin behar lukete, baina ZIUetako okupazioan hobeto dago. Espainiako Estatuko osasun ordezkariak bilduta daude, eta Madrilek gaur iluntzean erabakiko du zer neurri hartu.

PCR probak Gurutzetako ospitalean. ©Luis Jauregialtzo, FOKU

COVID-19a zuten 59 lagun hil dira azken astean Hego Euskal Herrian

Uxue Rey Gorraiz

Beste 697 kasu atzeman dituzte Hegoaldean. Bizkaian, Gipuzkoan eta Araban, hiruretan egin du gora positiboen kopuruak. Nafarroan, aldiz, aurreko egunean baino kasu gutxiago atzeman dituzte. 12.760 PCR proba egin dira egun bakarrean Hegoaldean.

Hezkuntzako sindikatuek deituta egindako greba, irailaren 15ean ©jon urbe / foku

Sindikatuek «asmoetatik ekintzetara» pasatzeko eskatu diote Hezkuntza Sailari

Irati Urdalleta Lete

ELA, LAB, Steilas, CCOO eta UGT sindikatuek bilera bat eskatu zioten gaurko Jokin Bildarratz Eusko Jaurlaritzako Hezkuntza sailburuari, baina «datozen egunetan» bilduko direla esan dute sindikatuek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna