Albistea entzun

Jaio saritu du 111 Akademiak

Karmele Jaioren 'Aitaren etxea' eleberria izan da 2019ko libururik onena, akademiaren ustez
Karmele Jaio idazleak iaz argitaratu zuen <em>Aitaren etxea</em> lana.
Karmele Jaio idazleak iaz argitaratu zuen Aitaren etxea lana. ENDIKA PORTILLO / FOKU Tamaina handiagoan ikusi

Iñigo Astiz -

2020ko maiatzak 9

Aitaren etxea (Elkar) eleberriarekin bere nobelarik «anbiziotsu» eta «ausartena» osatu du Karmele Jaio idazleak, 111 Akademiaren hitzetan, «lurralde ezezagun batean barneratuz eta bertatik arrakastaz itzuliz». Urtarrilean hasi zuten akademiako kideen artean 2019ko libururik onena hautatzeko prozesua, eta atzo jakinarazi zuten Jaioren lanak jaso duela boz gehien. Bigarrenez jasoko du 111 Akademiaren saria, aurrez Amaren eskuak liburuagatik ere saritu baitzuten, 2006an.

Jaiorenarekin batera, beste lau liburu heldu ziren bigarren fasera: Bernardo Atxagaren Etxeak eta hilobiak, Uxue Alberdiren Kontrako eztarritik, Amets Arzallus eta Ibrahima Balderen Miñan eta Itxaro Bordaren Susmaezinak. Atxagarenak eta Jaiorenak jaso zuten boto gehien txanda hartan, eta, hortaz, haiek pasatu ziren finalera, eta atzo jakinarazi zuten, azkenik, Aitaren etxea-k jaso zuela boto gehien.

Bestelako sari banaketa bat

Gaur egun, guztira, 201 akademiakide ditu 111 Akademiak, eta 114k hartu dute parte urtarrila eta apirila bitartean egindako hiru bozketa txandetan. Txanda guztietan suertatu da Jaio garaile.

Akademiak aurten ez du jendaurreko sari-banaketa ekitaldirik egingo, halere, koronabirusaren ondorioz ezarri den «ezohiko» egoera dela kausa. Bestelako bide batzuk aztertzen dabiltza.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

EKITALDIEN HUTSUNEA KUDEATZEA

Amaia Igartua Aristondo

Musikaren sektoreko profesionalei kontzertuetatik datozkie diru sarrerak, bereziki; managerrei ere, beste horrenbeste. Pandemiaren ondorioz, ikuskizunak desagertu egin ziren aurrena, eta murriztu ondoren. Egoera horrek nola eragin dien kontatu diote zenbait kudeatzailek BERRIAri.
 ©BERRIA
Nikos Kazantzakis idazlea. ©BERRIA

Biziminetan bapo

Joannes Jauregi

Aurten dira 75 urte Nikos Kazantzakis idazle eta filosofo greziarrak 'Zorba ospetsuaren hitzak eta egintzak' argitaratu zituela. Duela lau urte kaleratu zen liburua euskaraz, bere ibilbidea urratzen segitzen duen seinale.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.