Albistea entzun

HIZPIDEAK

Herritarren kezkak

Martxelo Otamendi Egiguren -

2022ko urtarrilak 4

Klima aldaketa ondorioak, kudeaketa... da herritarron kezka handienetako bat, Telesforo Monzon eLab Euskal Herrigintza Laborategiak atzo kaleratu zuen Naziometroaren azken neurketaren arabera. Logika guztia dauka, bat egiten baitu Mendebaldeko gizarteetan aurki dezakegun kezkarekin. Azkar zabaldu da herritarren artean planeta txikitzen ari garen ustea, eta denok neurri trinkoak eta ausartak hartzeko garaia dela, galbidean jarri nahi ez badugu.

Interesgarria litzateke jakitea zer iritziko zioketen Naziometroaren inkestan parte hartu duten herritarrek Europako Batasunak ingurumenaren alorrean hartu duen azken erabaki harrigarriari: zentral nuklearren bidez lortzen den energia berdea da, trantsizio energetikoak iraun bitartean. Ez da harritzekoa herritarrak kritiko izatea gobernuek arlo horretan daukaten jarrera epelarekin.

Aurreko neurketetan bezala, oraingoan ere galdetu diete Naziometroan herritarrei euskal estatuaz. Alde guztien artean adostutako galdeketa legezkoa egingo balitz, herritarren %40k euskal estatuaren alde egingo lukete. Datu esanguratsua da kontuan hartuta auzia ez dagoela agendan, ez politikarien agendan, ezta herritarrenean ere.

Pista interesgarriak datoz Naziometroan gatazkaren bukaeraz, eta esparru horretan egiteke dagoenaz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...