Albistea entzun

HIZPIDEAK

Junts eta ERC betiko xextran

Martxelo Otamendi Egiguren -

2021eko maiatzak 18

Luze joko du akordioak, baina azkenean ados jarriko dira, beste irtenbiderik ez daukatelako», izan zen Kataluniako otsaileko hauteskunde gauean askoren ahotik entzun genuen iragarpena. Horrelaxe jazo da, herritar askoren etsipenerako. Azken orduan, oso egun gutxi falta zirela, hitzartu dute Kataluniako bi alderdi independentziazale nagusiek, ERCk eta Juntsek, gobernua osatzeko akordioa. Hurrengo hilabete batzuetarako bakea sinatu dute.

Asko, eta askotan, ari da sustraitzen Kataluniako herritar independentziazaleen artean bi alderdi horien etsai nagusiak bi alderdi horiek berak direla; alegia, Kataluniako independentzia nahi ez dutenak arerioak dira, eta nahi dutenak, etxeko besteak, etsai.

Oso baikorra, eta errealitate gordinetik kanpokoa, izan beharra dago gobernu berriaren bizitza ez dela trumoitsua izango aurreikusteko. Aurrekariak txarrak dira, zauriek irekita segitzen dute eta salbuespena izan beharko lukeena kultura bihurtu da.

Lehenagotik dauzkan lanez gain —erantsi egunerokoari pandemiaren ondorioak—, premiazko da ERC eta Junts batasunaren erreira itzultzea. Xextran egiten duten bakoitzean etsipenera bultzatzen dituzte herritar asko, eta horretarako mesedegarria izango litzateke prozesua deritzona gobernuaren gorabeheretatik blindatzea.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...