Albistea entzun

Independentziaren alde %21 leudeke, Jaurlaritzaren inkestaren arabera

Arabako, Bizkaiko eta Gipuzkoako bortz herritarretik bat sentitzen da «euskalduna bakarrik». Lan merkatua da herritarren kezka nagusia

Independentziaren aldeko mobilizazio bat, artxiboko irudi batean.
Independentziaren aldeko mobilizazio bat, artxiboko irudi batean. IÑIGO URIZ / FOKU Tamaina handiagoan ikusi

Ainhoa Larretxea Agirre -

2021eko ekainak 10

Parte Hartuz ikerketa taldeak eta Telesforo Monzon laborategiak Naziometroa argitaratu zuten egun berean aurkeztu zuen Eusko Jaurlaritzako Prospekzio Soziologikoen Kabineteak 73. soziometroa. Jaurlaritzaren inkestak egoera orokorrari eta jarrera eta balio politikoei buruz galdetu die Arabako, Bizkaiko eta Gipuzkoako 1.200 herritarri. Jaurlaritzaren soziometroak ondorioztatzen duenez, Arabako, Bizkaiko eta Gipuzkoako herritarren %21 daude independentziaren «alde». Herritarren %32 «egoeraren arabera independentziarekin ados edo kontra» leudeke, eta %41 daude, aldiz, erabat «independentziaren kontra».

Euskal herritar izatearen inguruan ere galdetu du soziometroak, eta ondorio argigarri bat utzi du: Arabako, Bizkaiko eta Gipuzkoako bortz herritarretik bi sentitzen dira «euskal herritar bezain espainiar». Herritarren laurdenak «euskal herritarrago sentitzen dira espainiar baino», eta bortz herritarretik bat sentitzen da «euskalduna bakarrik». Horien kontra, ez da %10era iristen «espainiarra euskal herritarra baino gehiago» eta «soilik espainiarra» sentitzen diren herritarren proportzioa. Bide beretik, herritarren %30ek «oso nazionalistatzat» du bere burua.

Demokraziaren funtzionamendua izan da soziometroak galdetutako bertze kontzeptuetako bat, eta herritarren %45 «nahikoa pozik» azaltzen da Arabako, Bizkaiko eta Gipuzkoako demokraziaren funtzionamenduarekin. Horrekin paretsu, %33 dira demokraziarekin «oso pozik» ez daudenak, eta horren kontrara daude «oso pozik» eta «batere pozik» ez daudenak. Herritarren %8 eta %12 dira horiek, hurrenez hurren.

Alderdi politikoekiko hurbiltasunaz galdetuta, polarizazioa nabarmena da. Herritarren ia erdiak (%47) ez dira «batere hurbil» sentitzen alderdi politikoekiko. Horren kontrara, herritarren %5 «oso hurbil» sentitzen dira. Tartean dira herritarren %47; horiek «nahikoa hurbil», «apur bat hurbil» eta «ez oso hurbil» sentitzen dira.

Herritar gehienek politika urruti sentitzen badute ere, nabarmena da Eusko Legebiltzarrean ordezkaritza duten alderdien buruzagien ezagutza badutela. Hala, sei buruzagietatik lau erdiek baino gehiagok ezagutzen dituzte, eta ia herritar denek (%97) ezagutzen dute Iñigo Urkullu lehendakaria. Urkullu bera da herritarrek puntuazio altuena eman dioten politikaria. 0tik 10era, 5,3 jaso du, eta harekin batera Maddalen Iriartek bakarrik gainditu du (5). Horien atzetik daude, hurrenez hurren, Idoia Mendia (4,6) eta Miren Gorrotxategi (4,5). Eta nabarmen beherago Amaia Martinez (2,3) eta Carlos Iturgaiz (2).

Lan merkatuaz kezkatuta

Politikaz harago, herritarren kezkengan ere paratu du fokua azkeneko soziometroak. Hiru arazo nagusiak identifikatzeko eskatu die Jaurlaritzak herritarrei, eta lan merkatuarekin lotutako arazoak dira denetan nagusi. Horien atzetik daude COVID-19aren pandemia, egoera politikoa, politikariak, eta gatazka politikoa eta arazo ekonomikoak.Gutxien aipatutako kezken artean daude «ustelkeria eta iruzurra» eta «gizon eta emakumeen arteko berdintasuna».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Lehen itzuliko bozka meta bat, igandean, Arrangoitzen. ©GUILLAUME FAUVEAU

Bigarren itzulirako kontsignak zehaztu dituzte indar politikoek

Ekhi Erremundegi Beloki

Hautesleen esku utzi dute erabakia alderdiek hautagairik ez duten kantonamendu gehienetan

Ertzaintzaren auto bat, atzo, Lekeition ©GEDAR LANGILE KAZETA

Karguekin aske utzi dituzte atzo Lekeition atxilotutako bi gazteak

Berria

Ondasun materialen aurkako delitu terrorista bat egitea leporatu diete. 

Didier Agerren aldeko mobilizazio bat, Donapaleun ©Bob Edme

Aske gelditu da Didier Agerre euskal presoa

Berria

Gaur goizean atera da Lannemezango presondegitik, 20 urte preso iragan ondotik

Mikel Zabalza torturaz hila oroitzeko murala, ©Juan Carlos Ruiz / Foku

Estatu indarkeriaren 35 biktima aitortuko ditu Jaurlaritzak

Jon O. Urain

Ebaluazio Batzordeak milatik gora eskari jaso ditu, eta 55 kasu aztertzen ari da. Giza eskubideen urraketetan «jarduera eredu» komunak antzeman ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.