Albistea entzun

KRITIKA. Antzerkia

Alferrik ote da?

Agus Perez -

2019ko maiatzak 19

'Zer gertatu ote zitzaion Ana Garciari?'

Konpainia: Pabilloi 6ko konpainia gaztea. Egilea: Javier Liñera. Lekua: Bilboko Pabilloi 6 aretoa. Eguna: Maiatzak 17.

Genero-bortizkeriari ekin dio Bilboko Pabilioi 6ko konpainia gazteak bere aurtengo antzezlanean, eta maiatzean izandako lehen euskarazko emanaldia ikusi dugu, aretoa polito beteta zegoela.

Argumentuak dioskunez, Ana Garcia bilbotarra hilik eta bortxatua agertu da Vinaroseko (Herrialde Katalanak) zabortegi batean. Bertan ematen zituen oporrak, eta koadrilako lagunek beren buruari galdetzen diote merezi ote duen auzia publiko egitea, biktimarekiko errespetua kontuan izanda. Beren buruari galdetzen diote ez ote den alferrik izango. Gazteen ikuspegitik, besterik gabe, gogoeta potoloetan sartzeko asmorik gabe.

Hortik aurrera, Javier Liñeraren testuak ez du batere sakontzen patriarkatuaren ondorio lazgarrietan, baina gutxienez orokortze baliagarria egiten du, azalduz emakumeen kontrako bortizkeria beste kolektibo babesgabe batzuek ere sufritzen dutela, eta antzezlanaren muinera era pertinentean ekarriz umeen eta homosexualen kontrako eraso sexistak.

Hori guztia, baina, dramaturgia baldintzatu baten pean etorri zaigu, horrelakoak izaten direlako antzezle gazteak benetako ikusleriaren aurrean trebatzeko sortzen diren emanaldiak. Antzezle berriek beren gorputz eta izpirituetan esperimentatzen ari diren teknika guztiak erakutsi nahi dizkigute —zuzeneko musika, dantzarako dohainak, makillaje deigarriak, jantzi-aldaketa ugariak, maskarak...—, baina, edozein nabarmenkeriaren gainetik, antzezle guztien gogo geldiezina eta dedikazioa nagusitu dira.

Dramaturgiari dagokionez, nahiko gainjarriak iruditu zaizkit hasierako aurkezpen pertsonalak, eta uste dut hasierako ariketa fisikoek itxura dinamiko zentzugabea ematen ziotela planteamenduari, pertsonaien esanak kontraste emankorrean jarri gabe. Ostera, une batetik aurrera, dentsitatea hartu du proposamenak, ordura artekoa mamitu izan balitz bezala; zabortegiko eszenarekin eta geroko manifestu antimatxistarekin heldu da emankizuna klimaxera.

Txaloak isiotu ditu puntu goren horrek, baina zuzendariari, zelanbait, aurrera jarraitzea otu zaio, antzezle gazteek beste teknika batzuen erakustaldia egin zezaten, eta azken luzapen horrek apur bat apaldu du lehen amaierako distira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Kontzertu bat, Sanagustin kulturgunean. ©Alberto Beloki

Hamarkada bat beste bide batetik

Miren Garate - Gipuzkoako Hitza

Hamar urte bete dituzte Azpeitiko (Gipuzkoa) Sanagustin kulturguneak eta hura kudeatzen duen Kulturaz kooperatibak. Eredu propio bat garatu du kooperatibak euskarazko kultur sorkuntza sustatzeko.

 ©GORKA RUBIO / FOKU

«Sortzeko orduan ez diot mugarik jartzen neure buruari»

Mikel Lizarralde

Idoia Asurmendik sare sozialen bitartez eta beste zenbait musikariren bertsioak eginez ezagutarazi zuen bere burua. Orain, lehenengo diskoa argitaratu du: 'Ilun eta abar'.
 ©IñIGO URIZ / @FOKU

Harrespila, gutizia husteko

Ane Eslava

L'Alakran antzerki konpainiak 'Harrespila' ikuskizun performatiboa eskainiko du gaur eta bihar Altzuzako Oteiza museoan. Cromlech bat osatuko dute parte hartzaileekin batera
 ©MARIAJE FUENTE

Zero gradua

Berria

Juan Kruz Igerabide idazlearen (Aduna, Gipuzkoa, 1956) 'Doneaneko alaba' eleberrian, 1936ko gerrako gertakari latz batek txirikordatzen ditu unibertsitateko literatura irakasle eszeptiko bat den narratzailearen eta Doneaneko alaba gazte poetaren bizialdiak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.