Segurtasunezko geltokiak, martxan

«Indarkeria matxistaren aurkako» autobus zerbitzu bereziak ezarri dituzte Bilbon eta Donostian: erdibideko geldialdiak egingo dituzte gauetan, bakarrik doazen andreentzat.
Atzo aurkeztu zuten Bilbobusen zerbitzu berezi berria.
Atzo aurkeztu zuten Bilbobusen zerbitzu berezi berria. JUNE PRIETO / FOKU Tamaina handiagoan ikusi

Iosu Alberdi -

2018ko ekainak 30

Bilbon eta Donostian asteburu honetan jarriko dute martxan gaueko autobus zerbitzuetan erdibideko geldialdiak egiteko aukera, bakarrik bidaiatzen duten emakumeentzat. Donostiak atzo gauean eskaini zuen lehen aldiz, Mirakontxa-Benta Berri-Seminario bidea egiten duen B8 linean, eta aurrerago ikusiko dute beste batzuetara zabaldu edo ez. Bilbon, berriz, bihar hasiko dute, gaueko Bilbobus guztietan.

Gaueko zerbitzu berriek «garraio publikoko erabiltzaileen segurtasuna» dute helburu, besteak beste, bakarrik bidaiatzen duten andreen aurkako erasoak saihestea, Bilboko Mugikortasun zinegotzi Alfonso Gilen esanetan: «Indarkeria matxistaren aurka modu eraginkorrean borrokatzea». Izan ere, Gilek gogoratu du emakumeak direla Bilbobusen erabiltzaile nagusiak —gizonen bikoitza—. Donostian, emakumeek ez ezik, adingabeek ere izango dute tarteko geldialdiak eskatzeko aukera. Hiriko Mugikortasun eta Garraio zinegotzi Pilar Aranak adierazi du ez dutela baztertu etorkizunean beste talde batzuei zabaltzea, esaterako, adinekoei.

Izan ere, Donostian proba gisa hasi dute. DBuseko B8 linea izango da zerbitzu berria eskaintzen bakarra; ostiral, larunbat eta jaiegun bezperetan. Proiektua, ordea, «jarraitzeko bokazioarekin» hasi dute; garapen egokia badu, «gaueko autobus zerbitzu guztietara zabaldu daiteke». Bilbon, berriz, 22:30 eta 06:30 arteko zerbitzu guztietan egongo da, egunero.

Bi udaletan EH Bildu koalizioak aurkeztu zuen proposamena, eta aho batez onartu zuten alderdiek. Zerbitzuaren kudeaketa antzekoa da: bidaiariak autobusean sartzean esan beharko dio gidariari non geratu nahi duen, eta hark erabakiko du zehazki non gelditu, trafiko arriskuak kontuan izanik. «Gidariak erabakiko du ea guneak erabiltzailearen segurtasuna bermatzeko baldintzak betetzen dituen; ez argitasun baldintzak soilik, baita bide segurtasuna ere», azaldu du Gilek. Donostian, geralekuen ezaugarriak gehiago zehaztu dituzte: gutxienez 1,5 metroko zabalerako espaloia, izkina batetik gutxienez bost metrora egotea, etxeetara bidea ez oztopatzea... Segurtasun neurriok defendatu ditu Aranak, «murriztaileak diruditen arren». Autobusa geldituta, bidaiaria aurreko atetik atera beharko da, eta beste inor ezingo da han jaitsi; gainontzeko ateak itxita egongo dira.

Proposamenak, ordea, dudak ere sortu ditu. LAB sindikatua kritiko agertu da Bilboko zerbitzuarekin, eta atzeratzeko eskatu du, edo lehenik probak egiteko. Salatu du Bilbobuseko langileekin hitz egin gabe hartu duela udalak erabakia, eta haien lan baldintzei eragin diezaiekeela: «Erdibideko geltokiak ez dira erabili behar udalak dominak jartzeko; beharginekin batera lan egitea eskatzen zuen gai delikatu bat da».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

510 kasu atzeman dituzte Araban, Bizkaian eta Gipuzkoan

Berria

Bizkaian behera egin dute kasuek; Araban eta Gipuzkoan, aldiz, igo egin dira.

Salvador Illa Espainiako Osasun ministroa gaurko agerraldian. ©Chema Moya/EFE

Neurri zorrotzagoak iragarri ditu Espainiako Osasun ministroak

Berria

Diskotekak eta gaueko tabernak itxita egongo dira Hego Euskal Herrian. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero berririk sartu.

Rafael Bengoa, artxiboko irudi batean ©Gorka Rubio / Foku

«Mikrokonfinamenduak» ezartzearen alde dago Bengoa

Irati Urdalleta Lete

Eusko Jaurlaritzako Osasun sailburu ohiak aztarnari falta dagoela azpimarratu du. Uste du agerraldiak egotea herritarren portaeraren eta administrazioaren kudeaketaren ondorioa dela.

Bilboko Birjinetxe zentroa. Bertara eraman dituzte positibo eman diuten egoiliarrak. ©Raul Bogajo/FOKU

Gallartako zahar etxe batean 16 positibo atzeman dituzte

Berria

Hamaika egoiliar eta bost langile kutsatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna