Albistea entzun

ZUZENDARIEN GALEUSCA

Errepresioaz noraino baliatu

Vicent Partal - 'Vilaweb'-eko zuzendaria

2022ko azaroak 13

Aste honetan, Martxelo eta Maria, Sophie in 't Veld eurodiputatu eta Pegasus softwarea ikertzeko batzordeko txostengileak argitara eman ditu software horrekin Europan egindako espioitza masiboari buruz atera dituen ondorioak. In 't Veld Herbehereetakoa da, Demokrazia 66 alderdikoa, eta, Europako Parlamentuan, Ciudadanos dagoen talde berean dago.

Ondorio horiek, zeinak Batzordean eztabaidatuko baitituzte orain, oso gogorrak dira Espainiarekin. Ikerketetan ez laguntzea egotzi diote Espainiako Estatuari, baita, are, espioitzaren biktimak laidoztatzea ere, eta modu esplizituan azaleratu dute nolako aldea dagoen Espainiak Pedro Sanchezen, Grande-Marlaskaren eta Margarita Roblesen kasuetan eginiko ikerketen eta espioitzak eragin dien katalanen ikerketen artean.

Kataluniako klase politiko osoaren ustez, Espainiako agintariei etengabe kargu hartzen ari zaizkie Europako eta nazioarteko erakundeak —funtsean, Europako Batasuna, Giza Eskubideen Europako Auzitegia eta NBE Nazio Batuen Erakundeko zenbait instituzio—, eta horren beste adibide bat da txosten hau. Gainera, hain justu ere, hala Europako Batzordean nola NBEn erabaki zeharo garrantzitsuak hartzeko garaia hurbiltzen ari den honetan argitaratu dute txostena.

Hemen, nire herrialdean, gero eta agerikoagoa da zer gertatzen ari den: Europako eta nazioarteko erakundeak modu sistematikoan zedarritzen ari dira Espainiak noraino erabil dezakeen errepresioa eta noraino ez. Zedarritze hori interesgarria da, argi eta garbi, iraganera begiratuz gero, baina are interes handiagoa du etorkizunera begiratuz gero; eta ez soilik Katalunia gogoan hartuta, baizik eta baita oraindik ere Espainiako Estatuaren parte diren nazio eta lurraldeez gogoratuta ere.

Azkenean, hauxe geratzen ari da agerian: Europako eta nazioarteko instituzioak Espainiari esan eta esan ari zaizkiola ezin dela indarkeriaz baliatu independentziaren aldarrikapena erreprimitzeko, eta guztiz legitimoa dela indarkerian oinarritzen ez den eta jendearen funtsezko eskubideak urratzen ez dituen prozesu politiko bat erabiltzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.