Albistea entzun

David Pla aske geratu da, baina euroagindua noiz ebatziko dago

Osnyko espetxetik atera da, zigorra beteta, eta kontrol judizialpean egongo da kasua argitu artean. Orain lau urte pasa atxilotu zuten
David Pla euskal preso ohia, atzo, Ziburuko harreran.
David Pla euskal preso ohia, atzo, Ziburuko harreran. GUIILAUME FAUVEAU Tamaina handiagoan ikusi

Enekoitz Esnaola -

2019ko apirilak 19 - Ziburu

David Pla (Iruñea, 1975) libre dago atzotik, etxean, baina kontrol judizialpean. Horrela egongo da haren aurka Espainiak indarrean jarritako 2011ko euroaginduaz erabaki artean. Atzo goizeko lehen orduan geratu zen aske, Osnyko espetxean (Frantzia), eta arratsean harrera bat egin zioten Ziburun (Lapurdi), Jon Anza oroitzeko ekitaldiaren ondoren.

Iluntzeko 21:00ak pasata heldu zen Pla Ziburura. Hango elkarte batean egin zioten harrera. Familiarekin elkartu, eta agurra eta lore eskaintza egin zizkioten.

2015eko irailean atxilotu zuten Pla, Baigorrin (Nafarroa Beherea), Iratxe Sorzabalekin batera, ETAko zuzendaritzako kidetzat jota, eta joan den otsailean epaitu zuten, Parisko Epaitegi Korrekzionalean. Bost urteko kartzela ezarri zioten hari, eta Sorzabali, zazpikoa. Epaiketan, biek euskal gatazka politikoaren konponbiderako egindako saioak nabarmendu zituzten, eta esan zuten atxilotuak izan arte Frantziarekin eta Espainiarekin elkarrizketak abiatzen saiatu zirela. «Bake prozesu bat eraiki ahal izateko esperantzarekin lan egin dugu», zioen Plak. Testuinguru berria aintzat hartuta zigortu zituen epaileak. 2015eko iraileko operazioan, Pantxo Flores eta Ramon Sagarzazu ere atzeman zituzten, baina bien auziak artxibatu egin zituen epaileak iaz, eta ez zituzten epaitu.

Pla aurretik 2010ean ere atxilotu zuten, Hendaian (Lapurdi), ETArekin lotuta, baina Laurence Le Vert Parisko epaileak aske utzi zuen. Ihesera jo zuen Plak.

Orain 42 euskal preso daude Frantziako espetxeetan: EPPK-ko 41 eta AEM inguruko bat. Atzo urte erdia bete zen Frantziako Gobernuak azkeneko gerturatzeak egin zituela jakin zela: Zigor Merodio eta Jon Rubenach Mont de Marsango espetxera (Okzitania) lekualdatu zituen.

Albisuri debekua Frantzian

Mikel Albisu euskal preso ohiari ukatu egin diote Frantzian sartzeko aukera. Eskakizuna egin zuen, bere bikotekide eta euskal preso Marixol Iparragirreri bisita egin ahal izateko —Reauko espetxean (Frantzia) dago—. Epaileak, ordea, ukatu egin dio aukera hori. Hogei urteko zigorra egiten ari da Iparragirre, eta, Mediabask atariak jakinarazi duenez, datorren irailean Espainiaratu egin dezakete.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Adostasun berriek ahalbidetu dute bake prozesua»

Irati Urdalleta Lete

Foro Sozialaren bidea ixtear da, baina hor dago eginikoa: hamabi aholkuetatik 11 beteta edo betetzear. Eta egitekoak: adibidez, biktimen «asimetria» gainditzea. Balorazio «ona» egin dute.
 ©MARISOL RAMIREZ / FOKU

«Madrilen berme» mahaian

Jon Ordoñez Garmendia Xabier Martin

PSE-EEn bide luzea eginikoa da Ares: sozialisten ordezkari 2005etik 2007ra bitarteko bake elkarrizketetan eta Jaurlaritzako Barne sailburu, besteak beste. Karguan zela hil zuen Ertzaintzak Cabacas. 68 urte zituela hil da.
Bake Bideak eta Bakegileak taldeek antolatu mobilizazioa Ipar Euskal Herria blokeatzeko. ©Bob Edme/ Iparla
Rodolfo Ares Eusko Legebiltzarrean, 2012ko irudi batean. ©David Aguilar, EFE

Aresek esanak, eta harrotutako hautsak

Uxue Rey Gorraiz

PSE-EEko buruzagi izandakoak perla ugari bota du urteetan, eta horiek sarri ekarri du aurkari politikoen sumina, ezker abertzalearena batez ere. Iñigo Cabacas auzian esanak dira aipagarrienetako batzuk.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...