Cannesko zinemaldia atzeratu egingo dute koronabirusa dela eta

Maiatzaren 12tik 23ra ziren egitekoak zinema jaialdia; orain, aukera bat udan egitea izan daiteke, baina oraingoz ez dute datarik zehaztu
Frantziako Polizia Cannesko jaialdiaren ataria zaintzen, iaz.
Frantziako Polizia Cannesko jaialdiaren ataria zaintzen, iaz. SEBASTIEN NOGIER / EFE Tamaina handiagoan ikusi

Mikel Lizarralde -

2020ko martxoak 21

Cannesko Zinemaldiak huts egingo dio, aurten, urtero maiatzean zinemazaleekin duen topaketari. Egunotan zabalduz joan diren zurrumurruak, azkenean, egia bihurtu dira, eta antolatzaileek jakinarazi dute jaialdia ezingo dela egin iragarritako egunetan. Hasieran, apirilaren erdialdera atzeratu nahi zuten azken erabakia, baina, ikusita koronabirusa nola ari den zabaltzen Frantzian —gutxienez, 10.995 kasu baieztatuak eta 372 hildako—, aurreratu egin behar izan dute.

«Jaialdia egin dadin hainbat hipotesi ari gara aztertzen. Nagusia izango litzateke ekainera edo uztailera atzeratzea», adierazi dute antolatzaileek. Nolanahi ere, Frantziako eta nazioarteko osasun egoeraren garapenak baldintzatuko du erabaki hori, eta horren arabera hartuko dute azken erabakia. Ordura arte, eta, betiere jaialdiaren oharraren arabera, zinemaldiaren antolakuntza taldeak eskatu du konfinamendurako neurriak errespeta daitezela. Izatez, zinemaldiak apirilaren 16an iragarri behar zituen aurten lehiaketan parte hartu behar zuten filmak.

Ez da hau Cannesko jaialdia atzeratzen edo bertan behera gelditzen den aurreneko aldia. Lehen edizioa 1939an egitekoa zen, baina, II. Mundu Gerraren eraginez, 1946ra arte ezin izan zuten egin. 1968an, berriz, jaialdia abian zela utzi zuten bertan behera, maiatzeko protesten testuinguruan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Haurrak eta hezitzaile bat Baztango haur eskolan. ©JAGOBA MANTEROLA / FOKU

Haur eskolak talde iraunkorrekin abiatuko dira Nafarroan

Olatz Esteban Ezkati

Lau egoera posible irudikatu ditu Hezkuntza Sailak, eta COVID-19aren bilakaeraren arabera ezarriko da bat edo beste. Jantoki zerbitzua bermatuko dutela esan du gobernuak

Pentsiodunek agerraldia egin zuten, atzo, Justizia jauregiaren aurrean, Bilbon. ©ARITZ LOIOLA / FOKU

Pentsiodunek pandemiako testigantzen txostena aurkeztuko diote fiskaltzari

Maialen Arteaga

Irailaren 7an bilduko dira Arabako, Bizkaiko eta Gipuzkoako fiskalarekin, pandemiako testigantzak biltzen dituen txostena emateko

Langile bat, Garesen, piperra biltzen iaz. ©Jesus Diges / efe

Nafarroan, PCR probak egingo dizkiete sasoikako langileei

Joxerra Senar

Abuztutik urrira bitartean, ardorako mahats bilketan edo bestelako barazki eta fruituen uzta bilketarako Nafarroaz kanpotik etorriko diren langileei probak egingo dizkiete, etan positibo emanez gero, konfinamenduan lagunduko die gobernuak.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna