Albistea entzun

Jon Barberena

Euskararen eta hitzaren bueltan beti

Bertso munduan urteetan ibilia, bitan izan zen Nafarroako txapeldunorde. Literaturan ere jardun zuen, baita hainbat sari eskuratu ere, eta 'Nafarroako Hitza'-n kolaboratzaile zebilen. Atzo goizaldean hil zen Barberena.
GARI GARAIALDE / FOKU Tamaina handiagoan ikusi

Garikoitz Goikoetxea -

2019ko irailak 13

Atzo goizaldean hil zen Jon Barberena Ibarra (Elizondo, Nafarroa, 1979), ondoeza izanda. Bertso munduan urteetan ibili zen. 2004an hartu zuen parte lehen aldiz Nafarroako Bertsolari Txapelketan, eta ordutik aurrerako aldi guztietan aritu zen, 2015era arte. Horietako bitan, 2007an eta 2008an, txapeldunorde izan zen, Xabier Silveiraren eta Julen Zelaietaren atzetik, hurrenez hurren; aurrez, 2004an eta 2003an, Mariano Izeta eta Xalto sariak irabazi zituen. Bakarkako txapelketak albo batera utzita zituen azken urteetan, baina Baztango bertso eskolako kidea zen, eta jarraitzen zuen bertsolaritzarekin harremanetan.

Ogibidez euskara irakaslea zen. Heziketa Fisikoko diplomaduna zen, eta Gizarte eta Kultur Antropologiako lizentziaduna. Bergarako UNEDen Idazle Eskolako graduondoa ere egina zuen. Bertsolaritzaren esparruan ez ezik, literaturan ere ezaguna zen, poesian bereziki. Iaz, adibidez, Lauaxeta olerki saria irabazi zuen Neguko gaba lanarekin. Aurretik, 2016an, Iruñea Hiria poesia saria jaso zuen Izoztu zitzaigun negu hura lanagatik (Denonartean). Iruñeko Udalaren Egile Berrientzako Kultur Lehiaketan ere saritu zuten 2011, 2013 eta 2015ean.

BERRIA Taldearekin harreman estua zuen: kolaboratzaile zebilen Nafarroako Hitza-n. Joan den ostiralean argitaratu zuen azken artikulua, Enrique Maiaren soldata izenekoa. Halaber, 2018ko martxotik, Ttipi-Ttapa aldizkarian ere egiten zituen kolaborazioak, iritzi saileko Nire txanda atalean; Xorroxin irratian ere urte askoan izan zen kolaboratzaile, eta, iaz, literatur gaiak jorratzen dituen Hitzen Uberan atarian ere idatzi zituen hainbat artikulu. Aritu zen arlo gehiagotan ere: besteak beste, 2012an Baztan pelikulako soinu bandaren letra egin zuen, eta 2015ean Elizondon egin zen Nafarroa Oinez-en abestiaren hitzak ere hark idatzitakoak ziren.

Albistearen berri izan orduko, asko izan dira sare sozialen bidez haren sormen lana eskertu, eta doluminak agertu dituztenak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Itziar Aizpuru aktorea, <em>Loreak</em> filmeko eszena batean. ©JON URBE / FOKU

AMONATXOAREN IDEIA ZARTATZEN

Olaia L. Garaialde

Zaharrak eta zahartzaroa modu askotara irudikatu daitezke zineman eta antzerkian; BERRIAk gai horri buruz gogoetan jarri ditu zenbait aktore eta zinemagile. Batzuek nabarmendu dute gero eta pertsonaia gehiago sortzen ari direla, nahiz eta asko rol jakin batzuetara mugatuta egon.

Irene Nemirovsky. ©BERRIA

Literaturaren maleta galduak

Joannes Jauregi

Aurten laurogei urte dira Irene Nemirovsky idazlea Auschwitzen hil zutela. Haren 'Suite frantsesa' eleberriak naziek Frantzia okupatu zutenekoa kontatzen du.

James Baldwinen irudiarekin egindako muntatzea. ©ANE GARCIA
Girlschool taldeko Kim McAuliffe, herenegun, Bilbon. ©MONIKA DEL VALLE / FOKU

Girlschool, bigarren lerroan duin

Gotzon Hermosilla

Girlschool taldeak Music Legends jaialdian jo zuen herenegun, Bilbon, eta rock gogorraren eremuan lau hamarkada baino gehiago iraun duen ibilbideari errepasoa egin zioten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...