Albistea entzun

HIZPIDEAK

Hileko mingarriak

Iñaki Petxarroman -

2022ko maiatzak 18 - @petxarroman

Espainiako Gobernuak onartu egin du Abortuaren Lege berria, eta, bitxia bada ere, albistegietan eta tertulietan zeresan handiena eman dutenak ez dira izan abortuarekin zerikusia duten neurriak, baizik eta hileko mingarriak dituzten langileei hiru eguneko gaixoaldirako baimen eskubidea aitortzea. UGT sindikatua, adibidez, neurri horren kontra azaldu da, emakumeak kontratazioetan baztertzeko aitzakia bihur daitekeelako enpresarientzat. PP, C's eta beste hainbat alderdi eskuindar ere aurka agertu dira, andreei lan merkatuan «lehiakortasuna» kenduko dielakoan.

Garbi dago merkatua gizonen neurrira antolatuta dagoela oraindik ere, eta horren erakusgarri da gai honen harira sortu den ika-mika. Galdera izango litzateke zergatik gastroenteritis batek sortutako tripako mina izan daitekeen baja bat hartzeko arrazoi, eta zergatik ezin den izan hilekoak dakarrena laneratzeko ezintasuna. Inork pentsatzen al du gizonek hileko mingarriak izango balituzte 2022ko maiatzera itxaron beharko zela arau hau onartzeko?

Kosta egiten da pentsatzea baja horiek gizonek hartuko balituzte inork argudiatuko lukeenik «lehiakortasuna» galtzeko arriskua lekarkeela edo enpresariek «baztertzeko» arrazoi bihur litekeela. Funtsean, agerian uzten du, beste behin ere, sexuaren arabera lehen eta bigarren mailako beharginak daudela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...