Albistea entzun

Ingurumena. Luizia Zaldibarren

Jaurlaritzak luiziko hondakinak jasotzera behartuko ditu beste zabortegiak

Instalazio baimenduak dituzten hainbat herritako alkateek uko egin diote Zaldibarko zaborrak jasotzeari. Baliteke hondakinak ateratzeak 80-100 milioi euroko kostua izatea

Verter Recycling enpresaren kanpoaldea.
Verter Recycling enpresaren kanpoaldea. LUIS TEJIDO / EFE Tamaina handiagoan ikusi

Iñaki Petxarroman -

2020ko otsailak 13

Zaldibarko krisiari aurre egiteko hainbat neurri iragarri ditu Eusko Jaurlaritzak. Batetik, Herbehereetako Afvalzorg enpresa kontratatu du aholkua eman diezaion amildegian behera erori diren dozenaka milaka tona hondakin kudeatzeko —tartean milaka tona amianto—. Bestetik, ikusita hondakin horiek jasotzeko hainbat herritan azaldu diren oztopoak, beste neurri bat hartu du, baimena duten zabortegiek erantzun diezaieten «istripuak sortu dituen presazko beharrei». Hau da, instalazioak ireki behar dituzte Zaldibarko zabortegian zeuden hondakinak jasotzeko.

Izan ere, Jaurlaritzak arazo bat dauka gai horretan, Zaldibarko milaka tona hondakinen artean zehaztu gabeko material toxiko ugari daudelako; besteak beste, amiantoa. Gauzak hala, zabortegi industrial baimenduak dauden hainbat herritako alkateek, besteak beste Lemoakoak eta Zallakoak, espresuki adierazi dute ez dutela hango hondakinik jaso nahi. Jaurlaritzak jakinarazi du Mallabiko Beteartera eta Zallako zabortegira eraman nahi dituela Zaldibarko hondakinak. Zallan, baina, herritarrak erabaki horren aurka manifestatu dira azken egunotan. Balizko eragozpenen ingruan, hauxe ebatzi du Ingurumen Sailak: «Instalazioei jakinarazten zaie ingurumen organo honek dagozkion presazko neurriak har ditzakeela, arrazoitutako ebazpenen bidez, azpiegitura horiek hondakin horiek jasotzeko, beharrekoa balitz».

Halaber, airean eta uretan dagoen kutsadura neurtzeko neurriak agindu ditu, besteak beste, dioxina, furano eta beste metal astun batzuen presentzia neurtzeko, bereziki Ermuan (Bizkaia) eta Eibarren(Gipuzkoa). Aixolako urtegiko uraren kalitatea ere neurtuko dute.

Irakurri gehiago: Zer gertatu da Zaldibarko zabortegian?

Bestalde, atzo Eusko Jaurlaritzak eta zabortegiko kudeatzaile Verter Recycling 2002 enpresako ordezkariek bilera egin zuten. Bezperan, Jaurlaritzak ohartarazi zuen enpresa ez zela behar bezala laguntzen ari ikerketan. Atzo, berriz, Elena Moreno Ingurumen sailburuordeak zuzendu egin zuen bezperako adierazpena, eta enpresak «erreakzionatu» duela nabarmendu.

Enpresak datorren asterako plan bat aurkeztu behar du maldan behera erori diren hondakin horiek nola kudeatuko dituen zehazteko. Oraindik goiz da jakiteko zer kostu izango duten lanek, baina, BERRIAk jakin duenez, 80 eta 100 milioi euro arteko kostua aipatzen ari dira prozesuari gertutik erreparatzen ari zaizkionek. Bestalde, epaileak diligentziak zabaldu ditu Zaldibarren ingurumen eta lan arloko deliturik izan ote den ikertzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gotzone Sagardui, Eusko Legebiltzarrean. ©Raul Bogajo / Foku

Donostia aldeko ESIan «pertsonen aldaketa bat» behar zela nabarmendu du Sagarduik

Jon O. Urain

Sailburuak azaldu du zuzendaritza berriak eta Osakidetzako buruzagiek «ikuspegi bera» dutela, eta «gertaera kate baten» ondorioz beharrezkoa zela Donostia aldeko ESIko zuzendaritza aldatzea.

Rebeka Ubera eta Maddalen Iriarte, Eusko Legebiltzarrean, artxiboko irudian ©Raul Bogajo/ Foku

Sagarduik ez luke karguan segi beharko, EH Bilduren arabera

Edurne Begiristain - Julen Aperribai

Elkarrekin Podemos-IUk eta PP+C’s-k agerraldi bat egiteko eskatu diote sailburuari Eusko Legebiltzarrean. PP+C's-ek Sagardui kargutik kentzeko eskatu dio lehendakariari.

Azken agurra Jakes Abeberriri

Jakes Abeberri ehortzi eta omendu dute Miarritzen

Oihana Teyseyre Koskarat

Txiki gelditu da Santa Eugenia eliza. Pasa den astean hil zen, 92 urte zituela.

Donostia ospitalea, artxiboko irudi batean. ©Andoni Canellada / Foku

Osakidetzaren «politika suizida» salatu dute Donostiako ESIko 30 bat zerbitzuburuk

Ion Orzaiz - Paulo Ostolaza

Gutun batean, osasun zerbitzu publikoaren zuzendaritzaren dimisioa eskatu dute, zentzugabeko kudeaketarengatik, eta «sektarismoa eta trakeskeria» leporatu dizkiote.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.