Albistea entzun

Indar ezkertiarrekin itunak sustatzeko asmoz aurkeztu da Morla PSEko gidaritzara

Basauriko zinegotzi ohiak alderdiaren «esentzia sozialista» berpizteko asmoz aurkeztu du bere burua idazkaritza nagusi izateko hautagai gisa
Soraya Morla hautagaitzaren aurkezpenean, atzo goizean.
Soraya Morla hautagaitzaren aurkezpenean, atzo goizean. BERRIA Tamaina handiagoan ikusi

Javi West Larrañaga -

2021eko irailak 28 - Bilbo

«Alderdi sozialistak denekin egiten du berba, baina oso kuriosoa da Euskadin beti berberekin egiten dituela itunak». Hainbatetan errepikatu zuen ideia hori Soraya Morlak atzo goizean, PSE-EEren idazkari nagusi izateko hautagaitza aurkeztu eta gero. «Ez daukagu zertan konformatu alderdiari [EAJri] egonkortasuna ematearekin, ezta Euskadiri ematearekin ere». PSE-EEren eginkizuna aldatu nahi du, eta EAJrekin egindako itunak eteteko garaia dela iradoki du; bakarrik gobernatu nahi du, edo, behintzat, «ezkerreko» gobernu bat eratu. EH Bildurekin gobernua eratuko lukeen galdetuta, argi erantzun du: «Jakina». Koalizio abertzalearekin eta Elkarrekin Podemos-IUrekin ezkerreko gobernua eratzea proposatu du, eta esan du posible dela «beste formula batzuk» bilatzea, «Madrilen, Nafarroan edo Irunen egin den moduan». Udaletako itunekin lotu du aukera hori: «Udalerri askotan, aritmetikak modua ematen zuen EAJri lekua kentzeko».

Hala ere, Morlak nabarmendu du bere hautagaitza ez duela «EAJrekiko aurkakotasunean» eraiki nahi, eta gauza komun asko dauzkatela; baina esan du jeltzaleek ez diotela PSE-EEri aitortzen «Euskadiko politikan» izandako garrantzia: «Ez dute onartzen Ramon Rubial lehen lehendakaria izan zela ere».

Eneko Anduezak ere aurreko astean aurkeztu zuen idazkari posturako bere hautagaitza, eta, haren aldean, «aukera oso gutxi» dauzkala onartu du Morlak. Baina gehitu du Pedro Sanchez Espainiako Gobernuko presidenteak ere aukera gutxi zeuzkala 2017ko primarioetan PSOEko idazkari nagusi izateko. Morla bera izan zen Sanchezen hautagaitzaren alde aritu zen taldearen buru Araban, Bizkaian eta Gipuzkoan. Irabazi ezean ere, oraingo hauteskundeetan ahalik eta boto gehien lortzea izango du helburu Morlak: «Oxala ehuneko garrantzitsu bat lortzea, entzun gaitzaten edo taldean sar gaitzaten».

Eneko Andueza da PSE-EEko idazkari nagusirako aurkeztuko den beste hautagaia. Ezkerreko politika indartsu batzuk defendatu zituen hautagaitza aurkeztu zuenean, baina EAJri leialtasuna izango ziola hitzeman zuen. Alderdiko egungo idazkari nagusiak, Idoia Mendiak, babesa agertu dio. Azaroan hautatuko dute afiliatuek idazkari nagusia.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Milaka lagun elkartu ziren atzo Donostian egindako manifestazioan. ©JON URBE / FOKU

Milaka urrats «etxera bidean»

Maddi Ane Txoperena Iribarren

Euskal presoak Euskal Herrira ekartzea, «bizi osorako» zigorrak etetea eta gradu progresioei bide ematea galdegin dute Donostian. Urtarrilaren 8an berriro kalera ateratzeko deia egin du Sarek
Arnaldo Otegiri elkarrizketa EH Bilduk

Otegi: «Lehentasuna da herri sena berreskuratzea»

Berria

Egungo testuingurua aztertu du EH Bilduko idazkari nagusiak, eta hizpide izan ditu koalizio subiranistak epe motzera, ertainera eta luzera dituen erronkak.

Grande-Marlaska, artxiboko irudi batean. ©Javier Lizon / EFE

Grande-Marlaska: «Ezker abertzaleak ongietorriak saihestu behar ditu»

Paulo Ostolaza

El País egunkariak Espainiako Barne Ministroari egindako elkarrizketa argitaratu du. Esan du euskal presoen sakabanaketak jada ez duela zentzurik, eta EH Bilduk eta Sortuk egindako adierazpena ez dela nahikoa.

Maria Txibite, PSNren buru gisa berretsi dutenean, Iruñean. ©IÑIGO URIZ / FOKU

Maria Txibite PSNko idazkari nagusi izendatu dute berriro ere

Gotzon Hermosilla

Botoen %97,22 eskuratu ditu alderdiaren XII. batzarrean. Txibiteren ustez, PSN beharrezkoa da «Nafarroak aurrera egiten jarrai dezan»

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.