Azkeneko urtebetean laugarren aldiz bildu zen atzo Agus Hernan Foro Sozial Iraunkorreko koordinatzailea EPPK-ko ordezkaritzarekin: Granadako (Espainia) kartzelan, Jon Olarra Guridirekin eta Ainhoa Mujika Goñirekin, foroak ohar baten bidez esan duenez.
Bi aldeek uste dute Espainiako Estatuko gobernu aldaketak «espetxe politika interpretatzeko era berria» ekarri duela. Hala ere,Foro Sozialak EPPKri adierazi dio «euskal gizartearen eskakizunetatik oso urrun» dagoela oraindik Madrilen bestelako kartzela politika bat, euskal presoak ez dituztelako Zaballako (Araba) espetxera ekarri, eta presoei ez dietelako ahalbidetzen gradu progresioa legediko ibilbide arrunta egiteko. «Konponbiderako premiazko agenda» aldarrikatu dute, eta EPPK-k berretsi du prest dagoela «espetxe politikaren diseinuan eragile aktiboa» izateko.
Harremanari eutsiko diote Foro Sozialak eta EPPK-k.
Foro Sozialak EPPK-ri esan dio Madril oraindik urrun dela aldaketatik
Iruzkinak
Ez dago iruzkinik
Ordenatu