Albistea entzun

Koronabirusa

AstraZeneca 60 eta 69 urte artekoei jarriko diete Hego Euskal Herrian

Jaurlaritzak Madrilen hartutako erabakia beteko du, baina salatu du EMAren aholkuak ez direla aintzat hartu. Ez dute argitu txertoaren bigarren dosia jaso behar dutenekin zer gertatuko den
Jendea txertoa hartzeko zain, Donostiako Anoetako estadioan, joan den martxoaren 30ean.
Jendea txertoa hartzeko zain, Donostiako Anoetako estadioan, joan den martxoaren 30ean. GORKA RUBIO / FOKU Tamaina handiagoan ikusi

Edurne Begiristain Oihana Teysyre Koskarat -

2021eko apirilak 9

Hego Euskal Herriko administrazioen txertaketa estrategiak aldarazi ditu herenegun Espainiako Gobernuak eta autonomia erkidegoek AstraZeneca txertoa 60 urtetik beherakoei ez emateko hartutako erabakiak. EMA Sendagaien Europako Agentziak txerto horren eta odolbilduen arteko ustezko loturaz egin duen ikerketa ezagutzera eman ondotik hartu zuten erabakia Madrilek eta erkidegoek, eta atzo, Eusko Jaurlaritzak eta Nafarroako Gobernuak utzi egin zioten 60 urtetik beherakoei AstraZenecarekin txertatzeari. Iluntzean, baina, txerto hori jasotzeko gehienezko adinaren langa igotzea erabaki zuen Espainiako Osasun Ministerioak, 69 urteraino. Ministerioaren asmoa da 60 eta 65 urte artekoen txertaketari segida ematea, eta, hori bukatuta, 66 eta 69 urte artekoak txertatzen hastea.

Atzo, AstraZenecaren txertoa jaso behar zuten ehunka herritarren hitzorduak bertan behera geratu ziren Hego Euskal Herrian. Esaterako, Donostiako Anoetako estadioan atondutako txertaketa gunean AstraZenecaren lehen dosia jartzeko hitzordua zuten pertsonei jakinarazi zieten bertan behera uzten zutela txertaketa, behin-behinean. Atzorako 400 pertsona zeuden deituta Anoetan, baina ez zieten AstraZenecaren lehen dosia jarri. Gipuzkoako Foru Aldundiak kudeatzen du txertaketa gune hori, eta arratsaldean jakinarazi zuen pertsona horiei Pfizer etxearen txertoa jarriko dietela, gaur. 918 lagun deitu dituzte gaurko gizarte eremuko langile eta erabiltzaileak, besteak beste eta denei jarriko diete Pfizer txertoa. Gainerako txertaketa gune handietan —Donostiako Illunben, Bilboko Casillan eta Gasteizko Lakua frontoian— Pfizer eta Moderna txertoekin txertatzen jarraitu zuten, AstraZenecaren dosi guztiak joan den astean agortu zirelako.

Eusko Jaurlaritzak atzo argitu zuen ez duela bat egiten AstraZenecaren txertoa 60 urtetik beherakoei ez jartzeko erabakiarekin, eta horregatik jo zuela abstentziora Madrilen egindako bileran. Osasun Sailetik argudiatu zuten «arrazoi teknikoak» kontuan izan gabe hartu dela erabakia, hau da, EMAk AstraZenecaren txertoaren erabileraren alde emandako aholkua aintzat hartu gabe. Hala ere, akordiorako eta lankidetzarako konpromisoa agertu zuen Jaurlaritzak. Nafarroako Gobernuak, berriz, ohar bidez jakinarazi zuen aurrerantzean ere AstraZeneca txertoarekin txertatuko dituela 60 eta 65 urte artekoak, baina txertaketa eten egingo duela 60 urtetik beherakoetan. Aste honetarako AstraZenecaren txertoa jartzeko hitzordua zuten pertsonei jakinaraziko zaie bertan behera geratu dela. 21.000 lagunek jarria dute Nafarroan lehen dosia.

Bigarren dosia?

Maiatzean, AstraZenecaren bigarren dosiak jartzen hasi beharko lukete Hego Euskal Herriko administrazioek, baina oraindik ez dago argi 60 urtetik beherako pertsonen txertaketarekin zer gertatuko den. Zalantzak argitzeko bizpahiru asteko epea dago, eta bi aukera daude mahaigainean. Lehena: dosi bakarrarekin geratzea, betiere egiaztatuko balitz AstraZenecaren dosi bakar batek %70eko babes maila eskaintzen duela. Bigarrena: Pfizer edo Moderna etxekoa izatea bigarren dosi hori. Hain justu, Sendagaien Europako Agentzia entsegu klinikoak egiten ari da botika etxe ezberdinetako bi dosi hartzearen inguruan.

Ipar Euskal Herrian, Frantziako Osasun Aginte Gorenak gomendatu du 55 urtetik beherako herritarrei bakarrik jartzea AstraZeneca txertoa. Isabelle Blanchard Baionako ospitaleko medikuak baieztatu du 55 urtetik gorakoei ez dietela jartzen. Zehaztu du, «parte handiz», osasun langileak izan direla txerto hori jarri dutenak, eta kezka erakutsi du lehen dosia jarria duten 55 urtez beherako osasun langileentzat. Oraingoz, osasun agintariek ez dute zehaztu bigarren dosiarekin nola jokatu behar den.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Muxikan (Bizkaia), Undabaso eremuanlandatzen ari diren sailetako batzuk. ©OSKAR MATXIN / FOKU

Zerbait gertatzen ari da Undabason

Igor Susaeta

Tokiko ekosistemak eta bioaniztasuna leheneratzeko asmoarekin, Lurgaia fundazioak helburu du Urdaibaiko biosfera erreserbako harizti mistorik handiena sortzea. Dozena bat urteko lanaren ondoren, jada 163 hektarea kudeatzen ditu Muxikan, 'Undabaso' deitu dioten gunean. Hasiak dira eremu horretan prozesu ekologiko batzuk antzematen.
Itsasondo. ©Ariane Vierbücher

Lurra, interes publikoaren mesedetan

I. Susaeta

Itsasondoko Udala duela dozena bat urte hasi zen lursailak erosten. Alkatearen esanetan, «herritarrek erabiltzeko moduko mendiak» nahi dituzte. Etorkizunean lurrak izango duen garrantziaz ohartarazi du.
Guardia Zibila, kanpaldia egiten ari zirenengana gerturatzen. ©IÑIGO URIZ / FOKU

Kanpaldia egiten segitu nahi dute Aroztegiko proiektua gelditu arte

Irati Urdalleta Lete

Guardia Zibila hiru aldiz agertu da. Lekarozen elkarretaratzea egin dute, 228 etxebizitza, hotel bat eta golf zelaia eraikitzeko proiektua gelditzeko
Anbulantziak, Donostia ospitaleko larrialdietarako sarreran. ©GORKA RUBIO / FOKU

Ospitaleetako presioak ez du etenik, positiboen hazkundea apaldu arren

Ion Orzaiz

116 pertsona erietxeratu dituzte COVID-19ak jota, eta 182 gaixo larri daude ZIUetan. 985 kasu atzeman dituzte, eta positibo tasa %7,9 da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna