Noiz sortua: 2020-02-09 00:30:00

Ingurumena. Luizia Zaldibarren

Jaurlaritzak «konpondu beharreko arazoak» topatu zituen zabortegian

Gotzon Hermosilla -

2020ko otsailak 9

Eusko Jaurlaritzaren Ingurumen Sailak esan du iaz ikuskaritza lanak egin zituela Verter Recycling 2002 enpresak Zaldibarren (Bizkaia) duen hondakindegian, eta han «konpondu beharreko» zenbait arazo atzeman zituztela. Ingurumen Sailak informazio osagarria eskatu zion enpresari, eta «enpresa espezializatu batek» egindako txosten bat aurkeztuz erantzun zuen hark. Ingurumen Sailaren oharrean ez da zehazten zein den enpresa hori.

Txosten horren arabera, hondakindegia «egonkorra» zen, eta Eusko Jaurlaritzak ezarritako egonkortasun irizpideen barruan zegoen «zabortegia betetzeko dinamika berarekin segituz gero», nahiz eta «gomendio» batzuk eman azpiegituraren egonkortasuna hobetze aldera.

Hala ere, luizia gertatu zen lekura egindako bisitan, Ingurumen sailburuorde Elena Morenok ETBri esan dio Ingurumen Saila aztertzen ari zela enpresari txostena egin eta hura zigortzea, azterketa hartan atzemandako «irregulartasunak» zirela eta.

Zehazki, azpiegitura aztertu zuten teknikariek ikusi zuten zabortegiko tximinietako batek ez zituela egoki neurtzen metano isuriak, baimendu gabeko materialak bota zituztela hondakindegira «kopuru txikietan» izan bazen ere, eta, gainera, baimendu gabeko betetze lanak ere egin zituztela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna