Agirre eta Ormazabal gogoan

Arabako IV. Alderdikide Eguna ospatu zuen atzo EAJk Maeztun (Araba), eta berriki hildako Xabier Agirre eta Felix Ormazabal politikari jeltzaleak omendu zituzten. Andoni Ortuzar EBBko presidenteak esan zuen biek «EAJk 127 urteko historian» izan dituen bi ezaugarri ordezkatzen dituztela: «Zerbitzu publikoa eta konpromiso etiko, zintzo eta garbia». Miguel Angel Blancoren hilketaren urteurrenaren bezperan, Ortuzarrek adierazi zuen ETAk ez zuela sekula existitu behar, eta «atentatu eta indarkeria guztiak» gaitzesten dituztela gehitu zuen.