2017-4-8. ETAren armagabetze eguna. Ekitaldi sozialean bakegileek eskatu zuten euskal presoen eta iheslarien auzia ere konpondu behar dela.
2017-7-10. Ipar Euskal Herriko ordezkaritza batek hainbat bilera egin zuen Parisen. Besteak beste, Justizia ministroaren kabineteburuarekin elkartu ziren.
2017-10-23. Bake Bideak jakinarazi zuen «presoen auziari buruzko lan esparru bat» ireki zutela euskal ordezkaritzak eta ministerioak. Lau egun lehenago bildu ziren, Parisen.
2017-11-14. Frantziak zazpi presori DPS estatusa kendu ziela jakin zen. «Ordezkaritzak lehen keinu» gisa hartu zuen.
2017-12-9. 11.000 lagunek manifestazioa egin zuten Parisen, Bakea Euskal Herrian: orain presoak lelopean. Aurreko egunetan, Parisko Kontseiluak bake prozesua babestu zuen. Eta presoei ohiko legeria ezartzeko galdegin zuten Ipar Euskal Herriko 1.007 hautetsik eta Asanblada Nazionaleko hainbat euskal ordezkarik
2017-12-27. Justizia Ministerioak eta euskal ordezkaritzak beste bilera bat egin zuten.
2018-1-13. Parisek iragarri zuen presoak hurbilduko dituela.
2018-1-23. Justizia Ministerioa ETAren biktimen Espainiako elkarteekin biltzen hasi zen, hurbilketen irizpideen berri emateko. Covite, FVT eta AVT hartu zituen. Elkarteak ados azaldu ziren azalpenekin.
2018-2-27. Frantziak lehen presoak hurbildu zituen Euskal Herrira: Zigor Garro eta Julen Mendizabal, Mont-de-Marsanera (Landak, Okzitania). Martxo hasieran kartzela hartara beste hiru: Josu Urbieta, Raul Aduna eta Jon Salaberri. Eta hil berean Jon Gurutze Maiza eta Alberto Ilundain, Lannemezango espetxera (Tolosa, Okzitania). Herenegun, eta espetxe berera, Arkaitz Agirregabiria eta Iurgi Garitagoitia.
Interesgarria izango zaizu
Nabarmenduak
