Albistea entzun

HIZPIDEAK

Sozialisten primarioak

Martxelo Otamendi Egiguren -

2022ko urriak 11

Osasun demokratikoaren adierazletzat jo izan dira azken urteotan alderdiek hautagaiak aukeratzeko egiten dituzten bozketa primarioak. Urte luzez alderdietako buruek bakarrik erabakitzen zituzten hautetsiak. Afiliatuei galdetu barik.

Demokraziaz horrenbeste hitz egiten zuten alderdiak ohartu ziren oso sinesgarritasun txikia zeukatela kanporako proposatzen zutena ez bazuten etxe barruan egiten. Aurrerantzean, afiliatu guztiek edukiko zuten barne bozketan parte hartzeko eskubidea.

Barne aukeraketa horietan, ohikoena da afiliatuek bakarrik edukitzea parte hartzeko eskubidea. Aitzitik, oso esperientzia berritzailea abiatu zuen Frantziako Alderdi Sozialistak 2011n, gero 2017an errepikatu zuena: Frantziako presidentetzarako hautagaia aukeratu beharra zegoen, eta herritar guztiei eman zien parte hartzeko aukera, ez afiliatuei bakarrik. Herritarren primarioak deitu zieten; François Hollandek irabazi zituen 2011koak, eta Benoit Hamonek 2017koak.

Igandean, Donostiako PSE-EEk alkatetzarako hautagaia aukeratzeko primarioak egin zituen Marisol Garmendia eta Odon Elortzaren artean. Aise irabazi zuen Garmendiak, botoen %66rekin.

Garmendiaren garaipenari legitimitate izpi bat bera ere kentzeko asmorik gabe, berdina zatekeen emaitza eskubidea donostiar guztiei zabalduta?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...