Lohizune Amatria. Kazetaria eta Mikel Zabalzaren iloba

«Justiziaren arloan, horma baten kontra jo dugu orain arte»

Mikel Zabalzaren senitartekoak gustura daude pelikularekin, uste dutelako orain badutela «egia kontatzen duen dokumentu bat».
IÑIGO URIZ / FOKU Tamaina handiagoan ikusi

Gotzon Hermosilla -

2020ko irailak 18

Lohizune Amatria kazetaria (Iruñea, 1992) Mikel Zabalza zenaren iloba ere bada. Dioenez, filma egiteko prozesua «gogorra» izan da senitartekoentzat, baina orain «pozik» dago emaitzarekin.

Filma ikusterik izan duzu?

Golem zinema aretoei esker, emanaldi pribatua egin dute senitartekoentzat, eta, egia esateko, oso pozik irten ginen handik. Gure historia pantaila handian ikustea familiarentzat ikaragarria izan da. Honi esker, badugu dokumentu bat egia kontatzen duena.

Filma egiteko prozesua luzea izan da.

Hala da. Aurreko batean, atzera begira jarri nintzen, eta ikusi nituen prozesua hasi zenean bidali zizkiguten lehenengo mezu elektronikoak. Orduan sinesgaitza iruditzen zitzaigun proposatzen ziguten hura azkenean Donostiako Zinemaldian emango zutela. Prozesu luzea izan da, bai eta gogorra ere, familiarentzat bereziki: ideia proposatu zigutenean, gustatu zitzaigun eta beharrezkoa iruditu zitzaigun, baina familiarentzat ez da erraza berriro ere gaiaz hitz egin behar izatea.

Orduan, gogorra egin zaizue?

Bai, baina ni behintzat pozik nago. Dokumentalean agertzen den moduan, gu batzuetan gauzak galdetzeko beldur izan gara, ez genuelako inor mindu nahi eta ez genuelako minduak izan nahi, eta prozesu honek balio izan digu hori egiten ikasteko. Nik, adibidez, pelikulari esker, hainbat gauza galdetu dizkiot amari, lehen galdetzera ausartzen ez nintzenak.

Oso abagune berezian iritsi da dokumentala, laster Zabalzaren heriotzaren 35. urteurrena izango delako. Nola oratuko diozue urteurrenari?

Mikel Zabalza Gogoan herri ekinbidea arduratzen da ekitaldiak antolatzeaz , eta senide batzuk ere ari gara dinamika horretan parte hartzen. Egoera berezi honek baldintzatuko ditu antolatu beharreko ekitaldiak, baina seguru asko gauza politak aterako dira.

Zer eskatzen duzue senitartekoek?

Egia, justizia, erreparazioa eta berriro ez gertatzeko bermeak aipatu ohi dira beti. Egiaren aldetik, oso eskertuta gaude urte hauetan guztietan herritarrek babes handia eman digutelako egia gailen dadin. Baina familiari gustatuko litzaioke egia hori justiziaren bidetik ere aitortzea. Orain arte horma baten kontra jo dugu beti, eta auzia ez da epaitu ere egin. Beste aldetik, guretzat garrantzitsua da ulertzea hau ez dela kasu bakana izan, herri honen kontra egindako politika baten ondorio baizik, eta kasu gehiago daudela.

Horretan filmak lagun dezake?

Bai, batez ere, memoriaren arloan, belaunaldi gazteek jakin dezaten duela 35 urte gure herrian gertatutakoa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Baionako ostatu bat, uztailean. ©Bob Edme

Ostatuak 22:00etan itxi beharko dituzte Ipar Euskal Herrian

Maddi Ane Txoperena Iribarren

Eric Spitz Pirinio Atlantikoetako prefetak neurri berriak iragarri ditu. Ostatuek ezinen dute eramateko alkoholik saldu 22:00etatik aitzina, eta karrikan ezinen da alkoholik edan 22:00etatik 08:00etara. Bezeroen erregistro bat egin beharko dute ostalariek. Ortzegunean jarriko dituzte neurriak indarrean, hamabortz egunerako, gutienez.

Bilboko taberna bat, edukiera murriztuta. ©Jaizki Fontaneda / Foku

Ostalarientzako diru laguntzak eskatu ditu EH Bilduk

Erredakzioa

Sektorea erreskatatzeko plan bat aurkeztu du koalizioak: Eusko Legebiltzarreko osoko bilkurara eramango du.

Ostalariek protesta egin dute gaur Nafarroako Gobernuaren aurrean. ©IÑIGO URIZ / FOKU

Nafarroako ostalariak, itxieraren kontra: «Sektorea kriminalizatzen ari dira»

Ion Orzaiz

Tabernak eta jatetxeak «seguruak» direla adierazi du Nafarroako Ostalaritza eta Turismo Elkarteak. Elkarretaratzeak eginen dituzte ostegunetik aurrera

Udal langileak Azkoienen, kalea garbitzen. / ©Idoia Zabaleta, Foku

Gipuzkoak 100.000 biztanleko 500 positiboren langa gainditu du

Arantxa Iraola-Irati Urdalleta Lete

Hego Euskal Herrian egin dituzten testen %9,2k eman zuten atzo positibo. Eusko Jaurlaritzak ez du «ezer» baztertzen, baina, oraingoz, konfinamenduak eta etxeratze agindua ez daude mahai gainean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna