Albistea entzun

Artolazabal: «Parot ez da sekula gudari bat izan; hiltzaile odoltsu bat da»

Jaurlaritzako Berdintasun, Justizia eta Gizarte Politiketako sailburuak Elgoibarren erraniko hitzek haserrea sortu dute memoria elkarteetan
Beatriz Artolazabal, herenegun, Elgoibarko Memoria Ibilbidearen aurkezpen ekitaldian.
Beatriz Artolazabal, herenegun, Elgoibarko Memoria Ibilbidearen aurkezpen ekitaldian. IREKIA Tamaina handiagoan ikusi

Maddi Ane Txoperena Iribarren - Paulo Ostolaza -

2021eko irailak 21

Unai Parot euskal presoaren eskubideen alde zein hura omentzearen aurka egindako ekitaldiek jarraipena izan zuten herenegun Elgoibarren (Gipuzkoa). Udalak eta Eusko Jaurlaritzak elkarlanean antolaturiko Memoria Ibilbidea aurkeztu zuten goizean, eta Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburuak Paroti buruzko adierazpenak egiteko baliatu zuen plaza. Gudari hitza «balioesteaz» aritu zen sailburua, adierazi baitzuen «zikinduta» dagoela: «Ozen eta argi hitz egin nahi dut. Henri Parot ez da sekula gudari bat izan. Henri Parot hiltzaile bat da». Ohartarazi zuen ez daudela «bizi osorako kartzela zigorraren alde, ez Henri Parot bezalako ETAko hiltzaile odoltsuenentzat, ez beste krimen gaitzesgarri batzuk egin dituztenentzat», baina adierazi zuen «aste konplikatua» izan dela joan dena.

Adierazpenok haserrea sortu zuten ekitaldira hurbildutakoen artean. Barren.eus atariak jaso duenez, txistuka hasi ziren herritar batzuk, eta ekitalditik alde egin zuten bertze batzuek. Elgoibar 1936 memoria elkarteak salatu zuen EAJk ekitaldia «alderdi interesen alde» erabili zuela: «Gu ez ginen EAJren mitin politiko batera gonbidatuak izan, eta gudari eta milizianoak alderdi interesetan erabiltzea oso larria eta maila baxukoa iruditzen zaigu. Zerikusirik gabeko gauzak nahasi eta giroa gaiztotu dute ekitaldian. Lotsagarria iruditu zaigu».

Elkarteak salatu du Elgoibarko Udalak haiekin zuen «konfiantza markoa hautsi» duela: «Borondate osoa daukagu elkarlana sustatzeko memoriaren berreskurapenaren defentsan, baina horrelako ekitaldi bat alderdi interesekin erabiltzeko gu ez gaude prest». Taldeak gaitzetsi du, halaber, ETBn ez dutela Memoria Ibilbidea «aipatu ere egin».

Gipuzkoako lehena

Atzo Elgoibarren aurkeztu zutena Gipuzkoan zabaldu duten lehen Memoriaren Ibilbidea da. 36ko gerrarekin lotutako leku garrantzitsuak zeharkatzen ditu, eta helburu nagusia biktimak omentzea da. Gogora institutuak, 2018tik, halako hogei inguru jarri ditu martxan Araban, Bizkaian eta Gipuzkoan.

Elgoibarko ibilbidea Altzola auzoan hasi eta Kalamuako tontorrean amaitzen da, eta bidean hainbat panel eta baliza jarri dituzte. Ibilbide horretako hainbat punturen aurkikuntzan zerikusia du 2007an sortutako Elgoibar 1936 taldeak. Tartean, ospetsuena 2012koa izan zen: Ahaztuen Oroimenak taldearekin batera eta Aranzadiren laguntzarekin, lau gudariren gorpuzkiak atera zituzten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Urriaren hemezortziko adierazpena

Ezker independentistak ETAren biktimei adierazi die haien minak ez zuela «inoiz gertatu behar»

Edu Lartzanguren - Jon O. Urain

Arnaldo Otegik eta Arkaitz Rodriguezek agerraldi solemnea egin dute, Aieteko jauregian, Donostian, Aieteko Adierazpenaren 10. urteurrenaren harira mintzatzeko.

Brian Currin, larunbatean Baionan eginko ekitaldian. ©Bob Edme

Ezker abertzalearen adierazpena «iraultzailea eta funtsezkoa» dela esan du Brian Currinek

Edu Lartzanguren

Nazioarteko artekariak adierazi du espero duela alde guztiek «bake iraunkorrerako eta adiskidetzerako urrats esanguratsu gisa» hartzea adierazpena.

Maixabel Lasa hizketan, atzo, Madrilen. ©Emilio Naranjo / EFE

Maixabel Lasa: «Orain PSOEk GALi eta beste gauza batzuei buruz zerbait esan behar duela uste dut»

Paulo Ostolaza

Lasak eta Maria Jauregik txalotu egin dute EH Bilduk eta Sortuk gaur esandakoa. Lasaren arabera, «aspaldi espero zuen mezua» da.

Agus Hernan, Aieteko Konferentziaren 10. urteurreneko hitzaldietako batean. ©Jon Urbe / Foku

Foro Sozialak adierazpenari «dagokion balioa» emateko eskatu die gainontzeko eragileei

Berria

EH Bilduk eta Sortuk gaur emandakoa «urrats garrantzitsua eta beharrezkoa» dela gehitu du. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna