Albistea entzun

Preso eta iheslari ohien kotizazioa jo du Harrerak erronka nagusitzat

Elkarteak zortzigarren batzarra egin du, Elgetan. Iaz, hemeretzi preso eta iheslari ohiri lagundu zieten lan munduan sartzen; 2012. urtetik, 159ri
Harrera elkarteko bazkideak, atzoko batzarrean.
Harrera elkarteko bazkideak, atzoko batzarrean. ANDONI CANELLADA / FOKU Tamaina handiagoan ikusi

Jon O. Urain -

2019ko apirilak 28

Datozen urteei begira, erronka nagusi bat ezarri dio bere buruari Harrera elkarteak: erretiro aldian dauden edo aurki horretara iritsiko diren euskal preso, iheslari eta deportatu ohien egoera aztertzea eta hiru urterako lanketa bat prestatzea, ataka zailean daudenen edo geratu daitezkeenen beharrei erantzuteko. Izan ere, preso edo erbestean egondako askok oso urte gutxi dauzkate kotizatuta, eta horrek eragin zuzena du erretiro aldiko pentsioaren neurrian. Auziari berehala heldu nahi dio Harrerak, gero eta gehiago izango direlako egoera zailean gera daitezkeenak, Karlos Ioldi elkarteko bozeramaileak gogora dakarrenez: «Jendea aurrera doa adinean».

2012. urtean sortu zen Harrera, eta bazkideen zortzigarren batzarra egin zuten atzo, Elgetan (Gipuzkoa), 2018ko balantzea egiteko. 3.165 bazkide ditu elkarteak, eta horietatik dozenaka elkartu ziren Elgetako Espaloia kafe antzokian. Bertan, 300.000 euroko aurrekontua aurkeztu zuten, eta jakinarazi hemeretzi lagun lan munduan integratu zirela iaz Harreraren laguntzaren bidez. Hamarri kontratu finkoa egin diete, zazpiri behin-behinekoa, eta beste bik praktika kontratu bat daukate. Zortzi urteko bidean, 159 pertsonari eman die laguntza hori. Iaz, era batera edo bestera, 35 pertsona lagundu zituen diruz. Gainera, Harreraren datuen arabera, iaz zazpi iheslari itzuli ziren Euskal Herrira, eta euren egoera juridikoki erregularizatu zuten.

Edonola ere, kotizazioetan dauka kezka Harrerak. Preso ohi ugari daude 65 urteren bueltan, eta «oso kotizazio txikiarekin» iritsi dira erretiro adinera, Sebas Barinagarrementeria Harrera elkarteko presidenteak ohartarazi duenez. «Erretirorako baliabide gutxi dute, beraz». Orain, asmoa da egoera zehatz-mehatz aztertzea; 1.700 pertsona ingururekin «banan-banan» hitz egitea, «erradiografia oso bat» egin ahal izateko, Ioldik BERRIAri azaldu dionez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alonsotegiko (Bizkaia) udaletxea. ©Monika del Valle / Foku

Fiskaltzak zazpi urteko espetxe zigorra eskatu du Alonsotegiko alkate ohi Aitor Santiestebanentzat

Iosu Alberdi

Prebarikazioa egitea, dirua bidegabe erabiltzea, dokumentuak faltsutzea eta diru laguntzetan iruzur egitea egozten dizkio fiskaltza Santiestebani.

Espeleologoak Lezetxikiko sistema karstikoaren barruan aurkitutako tunelaren alboan. ©LEZETXIKIREN LAGUNAK

Adifek eta Gipuzkoako Aldundiak txostenak egin zituzten galeria kaltetuaren inguruan

Xabier Martin

Espainiako Garraio ministro Raquel Sanchezek ziurtatu du Lezetxikiko aztarnategiak ez duela «inolako katerik» izan AHTaren tunela dela eta.

Inma Jurio PSNko parlamentaria, atzo, Nafarroako Parlamentuan. ©IÑIGO URIZ / FOKU

PSNk ontzat eman du Nafarroako torturen eta tratu txarren txostena

Mikel Elkoroberezibar Beloki

Navarra Sumak esan du Poliziari «oso eskertuta» dagoela: «Baina torturatu duena ez da gutarra». PSE-EEk ez zuen PSNren iritzi bera izan duela sei urte; «gatazka baten teoria elikatzen» zuela iritzita arbuiatu zuen txostena.

Torturari buruz «oraindik asko» dagoela ikertzeko nabarmendu dute

Laura Pego eta Jeanette Ruiz Kriminologiaren Euskal Institutuko kideak, iaz landutako txostena eskuetan, Nafarroako Parlamentuan. Atzo eman zuten haren edukiaren berri. ©IÑIGO URIZ / FOKU

Torturari buruz «oraindik asko» dagoela ikertzeko nabarmendu dute Nafarroako Parlamentuan

Joxerra Senar

Kriminologiaren Euskal Institutuak bere txostena aurkeztu du Nafarroako Parlamentuan. Laura Pego ikerlariaren arabera, kasu kopurua «garrantzitsua» da, eta azterlana «amaitu gabe» dago oraindik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...